ଭଣ୍ଡାରିପୋଖରୀ,୨୬।୮(ଡି.ଏନ୍.ଏ): ବୈତରଣୀ ନଦୀରେ ବନ୍ୟା ଜଳ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ଲଘୁଚାପଜନିତ ଲଗାଣ ବର୍ଷାରେ ବୈତରଣୀ ନଦୀ ମଙ୍ଗଳବାର ରାତି ୩ ଟାରୁ ବଢିବା ଆରମ୍ଭ କରିଛି। ଭଣ୍ଡାରିପୋଖରୀ ବ୍ଲକ ବୈତରଣୀ ନଦୀର ଆଖୁଆପଦା ଆନିକଟ ଠାରେ ବନ୍ୟାଜଳ ବିପଦ ସଙ୍କେତ ଭାବେ ୧୭.୮୩ ମିଟର ରହିଥିବା ବେଳେ ବୁଧବାର ପୂର୍ବାହ୍ନ ୧୦ ଟାରେ ଏହା ବୃଦ୍ଧି ପାଇ ୧୭.୭୦ ମିଟରରେ ପ୍ରବାହିତ ହେଉଛି। ବୈତରଣୀ ନଦୀର ଉପରମୁଣ୍ଡରେ ଗତ ୨୪ ଘଣ୍ଟା ମଧ୍ୟରେ ହୋଇଥିବା ବର୍ଷା ରେକର୍ଡ ଅନୁଯାୟୀ ଆଖୁଆପଦା ୮୧.୦୬ ମିମି , ଆନନ୍ଦପୁର ୧୦୮.୦୮ ମିମି , ସୋମପାଟଣା ୧୭୬.୦୪ ମିମି , ଠାକୁରମୁଣ୍ଡା ୧୬୦.୦୦ ମିମି , କେନ୍ଦୁଝର ୧୫୮.୦୪ ମିମି , ଚମ୍ପୁଆ ୨୦୧.୦୦ ମିମି ବର୍ଷା ହୋଇଥିବା ରେକର୍ଡ କରାଯାଇଛି। ତେବେ ବର୍ଷା ରେକର୍ଡ ଅନୁଯାୟୀ ବୈତରଣୀ ନଦୀରେ ଏକ ବଡ଼ ଧରଣର ବନ୍ୟା ଆଶଙ୍କା ଥିବା ଆଖୁଆପଦା ଜଳସମ୍ପଦ ବିଭାଗ କନିଷ୍ଠ ଯନ୍ତ୍ରୀ ସୁଶାନ୍ତ ଦାସ ସୂଚନା ଦେଇଛନ୍ତି।