କଣିହାଁ,୨।୧(ଡି.ଏନ.ଏ.) କଣିହାଁ ବ୍ଲକ ବଡ଼ଗୁଣ୍ଡୁରୀ ପଞ୍ଚାୟତ ବଡ଼ହୀରା ଗାଁର କଂକ୍ରିଟ ରାସ୍ତା ଦୀର୍ଘଦିନ ହେବ ଫାଟିଯାଇଛି। ଏହି ରାସ୍ତା ଦେଇ ଦୈନିକ ଅନେକ ଭାରୀଯାନ ଯାଉଥିବା ବେଳେ ଛେଣ୍ଡିପଦା ବ୍ଲକର ବହୁ ଅଞ୍ଚଳବାସୀ ଏହା ଉପରେ ନିର୍ଭର କରନ୍ତି। ଜିଲା ଖଣିଜ ପାଣ୍ଠି ଅର୍ଥରେ ଅନେକ ରାସ୍ତା ନିର୍ମାଣ ହେଉଥିବାବେଳେ ଫାଟିଯାଇଥିବା ଏହି ସଡ଼କର ମରାମତି ପ୍ରତି ଗୁରୁତ୍ୱ ଦିଆଯାଉ ନ ଥିବାରୁ ଅସନ୍ତୋଷ ଦେଖାଦେଇଛି। ଏ ନେଇ ବିଡିଓ ନିଶାନ ମିଶ୍ରଙ୍କ ସହ ଯୋଗାଯୋଗ ସମ୍ଭବ ନ ହେବାରୁ ମତାମତ ମିଳିପାରିନାହିଁ। କନିଷ୍ଠ ଯନ୍ତ୍ରୀ ଦେବବ୍ରତ ମହାପାତ୍ର କହିଛନ୍ତି, ଅନ୍ୟତ୍ର ବଦଳି ହୋଇଯାଇଛି। ତଥାପି ଏହି ରାସ୍ତା କିପରି ସୁରକ୍ଷିତ ହେବ ସେଥିପ୍ରତି କର୍ତ୍ତୃପକ୍ଷଙ୍କ ସହ ପରାମର୍ଶ କରାଯିବ।