ବନ୍ତ,୨୧।୮(ଡି.ଏନ୍.ଏ.)-ଭଦ୍ରକ ଜିଲା ବନ୍ତ ବ୍ଲକ ଅଧୀନ ଭଦ୍ରକ-ଆନନ୍ଦପୁର ୫୩ନଂ.ରାଜ୍ୟ ପଥର ଟିଲୋ କପାଳୀ ସେତୁ ମୁଣ୍ଡ ରାସ୍ତା ଗୁରବାର ଧସି ଯାଇଛି ା ଉଲ୍ଲେଖଯୋଗ୍ୟ ଯେ, ୨ ବର୍ଷ ତଳେ ଏହି ସେତୁର ନିର୍ମାଣ କାର୍ଯ୍ୟ ଆରମ୍ଭ ହୋଇ ୨ ମାସ ହେବ ସରିଛି ା ଏବେ ଉକ୍ତ ସେତୁ ଉପରେ ଯାତାୟାତ ହେଉଛି ା ନିର୍ମାଣ କାର୍ଯ୍ୟବେଳେ ସେତୁ ଦୁଇ ମୁଣ୍ଡ ରାସ୍ତା ପାର୍ଶ୍ୱରେ ପ୍ରୋଟେକ୍ସନ୍ ୱାଲ ତିଆରି କରାଯାଇ ନ ଥିଲା ା ବାଉଁଶ ବାଡ଼ା ଦ୍ୱାରା ରାସ୍ତା ନିର୍ମାଣ କରାଯାଇଥିଲା। ଗତ ଦୁଇ ଦିନ ଧରି ଲଘୁଚାପ ବର୍ଷା ପ୍ରଭାବରେ ସେତୁ ମୁଣ୍ଡ ରାସ୍ତା ଧସି ଯାଇଥିବା ଦେଖିବାକୁ ମିଳିଛି। ଫଳରେ ଉକ୍ତ ରାସ୍ତା ଉପରେ ଯାତାୟାତ କରିବା ପାଇଁ ଲୋକେ ଭୟ କରୁଛନ୍ତି ା ଅପରପକ୍ଷେ ଠିକ୍ ସ୍ଥାନରେ ସେତୁ ନିର୍ମାଣ ହୋଇ ନ ଥିବାରୁ ଟିଲୋ ହରିଜନ ସାହି ବନ୍ୟାଜଳରେ ପ୍ରଭାବିତ ହେବ ବୋଲି ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି ା ଏ ସମ୍ପର୍କରେ ନିର୍ମାଣକାରୀ ସଂସ୍ଥାର ସାଇଡ୍ ଇଞ୍ଜିନୟର ଅଶୋକ କୁମାର ସେଠୀଙ୍କୁ ପଚାରିବାରୁ ବାକିଥିବା କାମ ସମ୍ପୂର୍ଣ୍ଣ କରାଯିବ ବୋଲି କହିଥିଲେ ା
