ତ୍ରିବେଣୀ ମଠ ଛକରେ ବିକ୍ରି ହେଉଛି ଅପମିଶ୍ରିତ ପେଟ୍ରୋଲ, ଡିଜେଲ; ନିରବଦ୍ରଷ୍ଟା ସାଜିଛି ପ୍ରଶାସନ

ଗଞ୍ଜାମ, ୨୪।୨(ଡି.ଏନ୍‌.ଏ.): ଗଞ୍ଜାମ ସହର ତ୍ରିବେଣୀ ମଠ ଛକଠାରେ ଗତ କିଛିମାସ ହେବ ଅପମିଶ୍ରିତ ଡିଜେଲ ଓ ପେଟ୍ରୋଲ ବିକ୍ରି ହେଉଥିବା ଅଭିଯୋଗ ହେଉଛି l ଅସାଧୁ ବେପାରୀମାନେ ବିଭିନ୍ନ ଉର୍ଣ୍ଣୟନ କାର୍ଯ୍ୟରେ ଲାଗୁଥିବା ଟିପର ଓ ଟ୍ରାକ୍ଟରଗୁଡିକରୁ ଶାଗ ମାଛ ଦରରେ ତେଲ କିଣି ତାହାକୁ ମୋଟା ଅଙ୍କରେ ବିକ୍ରି କରୁଛନ୍ତି l ଜନବସତି ଅଞ୍ଚଳରେ ଡିଜେଲ ପେଟ୍ରୋଲ ବିକ୍ରି କରିବା ନେଷେଧ ଥିଲେ ମଧ୍ୟ ଅବାଧରେ ତାହା ହେଉଛି l ଉକ୍ତ ରାସ୍ତା ଦେଇ ଦୈନଦିନ ତହସିଲ, ଏନ୍‌ଏସି ଓ ପୋଲିସ ପ୍ରଶାସନ ଯିବା ଆସିବା କରୁଥିଲେ ମଧ୍ୟ ଏଥିପ୍ରତି କାହାର ଦୃଷ୍ଟି ପଡୁନି ବୋଲି ସ୍ଥାନୀୟ ଅଞ୍ଚଳବାସୀ ଅଭିଯୋଗ କରିଛନ୍ତି l