ମହାକାଳପଡ଼ା,୧୨।୨(ଡି.ଏନ.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ପେଟଛେଲାଠାରେ ଥିବା ଏକ ସିମେଣ୍ଟ ପ୍ରଡକ୍ଟ କାରଖାନରେ ଜଣେ ମିସ୍ତ୍ରୀ ଭାବେ କାମ କରନ୍ତି ଯଶୋବନ୍ତ ମଲ୍ଲିକ ା ବୟସ ୩୦ ା ତାଙ୍କ ନିଜ ଘର ଯାଜପୁର ା ତେବେ ବିନା ତାଲିମରେ ସେ ବିଭିନ୍ନ କଳାକୃତି ତିଆରି କରିବାରେ ବେଶ୍ ପାରଙ୍ଗମ ା ଶୁକ୍ରବାର ଯଶୋବନ୍ତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭୁବନେଶ୍ୱର ରାଜଭବନରେ ଭେଟି ନିଜ ହାତ ତିଆରି ୩ଫୁଟ ଉଚ୍ଚର ଦେଶୀ ପାଟେଣି ଧାନରେ ନିର୍ମିତ ଏକ କୋଣାର୍କ ମନ୍ଦିର ଉପରେ ଦେଇଛନ୍ତି ା ରାଷ୍ଟ୍ରପତି ଓଡ଼ିଶା ଗସ୍ତରେ ଆସିଥିବା ବେଳେ ଶିଳ୍ପୀ ଯଶୋବନ୍ତଙ୍କ ଏହି ଉପହାର ତାଙ୍କୁ ଖୁସି ଦେଇଛି ବୋଲି ରାଷ୍ଟ୍ରପତି କହିଛନ୍ତି ା ବିନା ତାଲିମରେ ଯଶୋବନ୍ତଙ୍କ ଏହି କଳାକୃତି ଦେଖି ରାଷ୍ଟ୍ରପତି ତାଙ୍କୁ ଖୁବ୍ ପ୍ରଶଂସା କରିବା ସହ ଭଲମନ୍ଦ ପଚାରି ବୁଝିଥିଲେ ା ରାଷ୍ଟ୍ରପତିଙ୍କୁ ଭେଟିବା ପାଇଁ ତାଙ୍କୁ ୧ ମିନିଟ ସମୟ ମିଳିଥିଲା ା ସେହି ସ୍ବଳ୍ପ ସମୟ ଯଶୋବନ୍ତ ରାଷ୍ଟ୍ରପତିଙ୍କ ପାଖରେ ବସି ୨ ପଦ କଥା ହେବା ସହିତ ଉପହାର ପ୍ରଦାନ କରିଥିଲେ ା ଏହା ତାଙ୍କ ପାଇଁ ଏକ ଅଭୁଲା ସ୍ମୃତି ହୋଇ ରହିବ ବୋଲି ସେ କହିଛନ୍ତି ା ଓଡ଼ିଶାର ଚିତ୍ରକଳାକୁ ବିଶ୍ୱ ଦରବାରରେ ପହଞ୍ଚାଇବା ପାଇଁ ରାଷ୍ଟ୍ରପତି ତାଙ୍କୁ ପରାମର୍ଶ ଦେଇଥିଲେ ବୋଲି ଯଶୋବନ୍ତ କହିଛନ୍ତି ା ଏଥି ସହିତ ରାଷ୍ଟ୍ରପତି ଭବନ ଆସିବାକୁ ରାଷ୍ଟ୍ରପତି ଯଶୋବନ୍ତଙ୍କୁ ନିମନ୍ତ୍ରଣ କରିଛନ୍ତି ା