ଗଞ୍ଜାମ,୨୨ା୧୦(ଡି.ଏନ୍.ଏ.): ପାଣିପାଗ ବିଭାଗ ପକ୍ଷରୁ ସମ୍ଭାବ୍ୟ ବାତ୍ୟା ଓ ପ୍ରବଳ ବର୍ଷା ନେଇ ସୂଚନା ଦେବା ପରେ ତହସିଲ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି l ଏନେଇ ଶନିବାର ତହସିଲଦାର ଅରୁଣ କୁମାର ନାୟକ ଏବଂ ରମ୍ଭା ଥାନାଧିକାରୀ ପି ସ୍ବରୂପ କିଷାନ ସମୁଦ୍ର କୂଳ ନିକଟବର୍ତ୍ତୀ ଅଞ୍ଚଳ ଯାଇ ସମୁଦ୍ର ମଧ୍ୟକୁ ନ ଯିବା ଲାଗି ସ୍ଥାନୀୟ ମତ୍ସ୍ୟଜୀବୀଙ୍କୁ ଡାକଯନ୍ତ୍ର ଦ୍ୱାରା ବାରଣ କରିଛନ୍ତି l ଏଥିସହ ସେମାନଙ୍କ ଜାଲ ଓ ଡଙ୍ଗା ସୁରକ୍ଷିତ ସ୍ଥାନରେ ରଖିବା ପାଇଁ ତହସିଲଦାର ନାୟକ ପରାମର୍ଶ ଦେଇଛନ୍ତି l
ପ୍ରକାଶଯୋଗ୍ୟ, ପ୍ରତିବର୍ଷ ଅକ୍ଟୋବରରେ କିଛି ନା କିଛି ପ୍ରାକୃତିକ ବିପର୍ଯ୍ୟୟ ତଥା ବାତ୍ୟା ଆସୁଥିବା ନେଇ ଭୟଭୀତ ରହୁଛନ୍ତି ସମୁଦ୍ର ଉପକୂଳବାସୀ। ଭୟଭୀତ ନ ହେବା ଲାଗି ପ୍ରଶାସନ ପକ୍ଷରୁ ସେମାନଙ୍କୁ କୁହାଯାଇଛି। ଅନ୍ୟପଟେ ବାତ୍ୟା ହେବ ନ ହେବ କିନ୍ତୁ ପ୍ରବଳ ବର୍ଷା ହେବ ବୋଲି ବ୍ଲକ ପ୍ରଶାସନ ପକ୍ଷରୁ ସୂଚନା ମିଳିଛି l