ଦ୍ୱିତୀୟ ଶ୍ରୀକ୍ଷେତ୍ର ଭାବେ ପରିଚିତ ବାରିପଦାର ଶ୍ରୀହରିବଳଦେବ ଜୀଉ ବିଜେ ପୂଜା ପାଉଛନ୍ତି ା ଏଠାକାର ଶ୍ରୀମନ୍ଦିରରେ ମକର ସଂକ୍ରାନ୍ତି ଏବଂ ନେତ୍ରୋତ୍ସବରେ ପତିତପାବନ ବାନା ବନ୍ଧାଯାଇଥାଏ ା ଅନ୍ୟାନ୍ୟ ସମୟରେ ଭକ୍ତଙ୍କ ମାନସିକ ପୂରଣ ପାଇଁ ଏହି ବାନା ବନ୍ଧା ହୁଏ ା ପ୍ରଥମେ ଠାକୁରଙ୍କ ଶ୍ରୀଚରଣରରେ ବାନାକୁ ପୂଜାର୍ଚ୍ଚନା କରାଯାଏ ା ତାପରେ ବାନାକୁ ସେବାୟତ ଯୋଡ଼ହସ୍ତରେ ଧରି ବେଢ଼ା ପରିକ୍ରମା ସାରି ଦେଉଳ ଉପରକୁ ଚଢ଼ି ନୀଳଚକ୍ରରେ ବାନ୍ଧିଥାନ୍ତି ା ପତିତପାବନ ବାନ୍ଧୁଥିବା ସେବାୟତ ରଞ୍ଜନ ଗିରି କୁହନ୍ତି, ପୂର୍ବରୁ ପତିତପାବନ ବାନା ବଡ଼ ଆକାରରେ ବନ୍ଧା ହେଉଥିଲା ା ତେବେ ନୀଳଚକ୍ରର ସୁରକ୍ଷା ପାଇଁ ବାନାର ଦୈର୍ଘ୍ୟ କମାଇ ୩ଫୁଟ ରଖାଯାଇଛି ା ଏଥି ପାଇଁ ଏଠାରେ ଦରଜୀ ସେବାୟତ ନ ଥିବାରୁ ବାନା ପ୍ରସ୍ତୁତ ସମ୍ଭବ ହେଉନି ା ଫଳରେ ପୂଜା ଦୋକାନରୁ ବାନା କିଣାଯାଇ ମନ୍ଦିରରେ ବନ୍ଧାଯାଉଛି ା ଦୁଇ ବର୍ଷ ଧରି ଏହି ବାନାକୁ ବାନ୍ଧିବା କାର୍ଯ୍ୟ କରିଆସୁଥିବାରୁ ନିଜକୁ ଭାଗ୍ୟବାନ ମନେକରୁଛି ା ଦେବୀ ସୁଭଦ୍ରାଙ୍କ ପୂଜାପଣ୍ଡା କାମେଶ୍ୱର ତ୍ରିପାଠୀ କହନ୍ତି, ମନ୍ଦିରରେ ପ୍ରତିଦିନ ବାନା ଲାଗି ହେବା ନିୟମ ରହିଥିଲେ ମଧ୍ୟ ପ୍ରଶାସନ ପକ୍ଷରୁ ପଦକ୍ଷେପ ଗ୍ରହଣ କରାଯାଉ ନ ଥିବାରୁ ବିଧି ରକ୍ଷା ହୋଇପାରୁ ନାହିଁ ା
-ନୀଳାଦ୍ରି ବିହାରୀ ଦଣ୍ଡପାଟ