ଠାକୁରମୁଣ୍ଡା,୧୩ା୨(ଡି.ଏନ.ଏ.):ମୟୂରଭଞ୍ଜ ଜିଲା ମହୁଲଡ଼ିହା ଥାନା ପରିସରରେ ଜବତ ହୋଇ ରହିଥିବା ୨୦ରୁ ଊର୍ଦ୍ଧ୍ୱ ଗାଡ଼ି ନିଅଁା ଲାଗି ଜଳି ଯାଇଛି। ସୂଚନା ଅନୁଯାୟୀ, ରବିବାର ପୂର୍ବାହ୍ନ ୯ଟା ସମୟରେ ଥାନା ପରିସରରେ ଜବତ ହୋଇ ରହିଥିବା ୧୮ ବାଇକ୍, ୨ଟି ଅଟୋ, ଗୋଟିଏ କାର ଓ ୪ ସାଇକେଲରେ ନିଅଁା ଲାଗି ଯାଇଥିଲା। ଖବରପାଇ ଠାକୁରମୁଣ୍ଡା ଅଗ୍ନିଶମ ବିଭାଗ କର୍ମଚାରୀ ପହଞ୍ଚତ୍ ନିଅଁା ଲିଭାଇଥିଲେ। ସେଠାରେ ଥିବା ଆଉ ୩୪ଟି ବାଇକ୍ ଓ ଗୋଟିଏ ଅଟୋ ଅଗ୍ନିକାଣ୍ଡରୁ ରକ୍ଷା ପାଇଯାଇଛି। ଏନେଇ ଠାକୁରମୁଣ୍ଡା ଅଗ୍ନିଶମ ବିଭାଗ ଅଧିକାରୀ ସୁଶାନ୍ତ ସାହୁଙ୍କୁ ପଚାରିବାରୁ ଶୁଖିଲା ପତ୍ରରେ କୌଣସି କାରଣରୁ ନିଅଁା ଲାଗି ଜବତ ଗାଡ଼ିଗୁଡିକ ଜଳି ଯାଇଥିବା କହିଛନ୍ତି।
