ମୁମ୍ବାଇ:ଚଳିତ ବର୍ଷ ଋଷଭ ଶେଟ୍ଟୀଙ୍କ ଆକ୍ସନ ଥ୍ରୀଲର ଚଳଚ୍ଚିତ୍ର ‘କାନ୍ତାରା’ ଅନେକ ଚଳଚ୍ଚିତ୍ର ରେକର୍ଡ ଭାଙ୍ଗିଥିଲା। ବକ୍ସ ଅଫିସରେ ଧମାକାଦାର ରୋଜଗାର ସହିତ ଏହି ଚଳଚ୍ଚିତ୍ରର ଆଲୋଚନା ସାଉଥ୍ରୁ ଆରମ୍ଭ କରି ବଲିଉଡ ତାରକାମାନଙ୍କ ଓଠରେ ଥିଲା। କନ୍ନଡ ଚଳଚ୍ଚିତ୍ର ଇଣ୍ଡଷ୍ଟ୍ରିର ସବୁଠାରୁ ସଫଳ ଚଳଚ୍ଚିତ୍ର ହୋଇପାରିଛି ‘କାନ୍ତାରା’। ଋଷଭ ଶେଟ୍ଟୀଙ୍କ ଅଭିନୟ ଦେଖିବା ପରେ ସମସ୍ତେ ତାଙ୍କର ପ୍ରଶଂସକ ହୋଇପାରିଛନ୍ତି। ତେବେ ଯେଉଁମାନେ ଏହି ଚଳଚ୍ଚିତ୍ରର ସିକ୍ୱେଲ୍କୁ ଅପେକ୍ଷା କରିଛନ୍ତି ସେମାନଙ୍କ ପାଇଁ ଏକ ଖୁସି ଖବର ଅଛି। କୁହାଯାଉଛି କି ଖୁବ୍ଶୀଘ୍ର ‘କାନ୍ତାରା-୨’ ଆସିବାକୁ ଯାଉଛି। ଯେଉଁଥିପାଇଁ ଅନୁମତି ମଧ୍ୟ ମିଳିସାରିଛି। ଫିଲ୍ମର ନିର୍ମାତା ବିଜୟ କିରଗାଣ୍ଡୁର ‘କାନ୍ତାରା’ର ଦ୍ୱିତୀୟ ଭାଗ ବିଷୟରେ
ଏକ ଅପଡେଟ ଶେୟାର କରିଛନ୍ତି। ହୋମ୍ବଲେ ଫିଲ୍ମର ସହ-ପ୍ରତିଷ୍ଠାତା ତଥା ‘କାନ୍ତାରା’ ନିର୍ମାତା ବିଜୟ କିରଗାଣ୍ଡୁର ନିଶ୍ଚିତ କରିଛନ୍ତି, ଫିଲ୍ମର ଦ୍ୱିତୀୟ ଭାଗ ଖୁବ୍ଶୀଘ୍ର ନିର୍ମିତ ହେବ। ସେ କହିଛନ୍ତି, ଫିଲ୍ମର ପ୍ରିକ୍ୱେଲ (ପୂର୍ବ କାହାଣୀ) ନହେଲେ ସିକ୍ୱେଲ (ପରବର୍ତ୍ତୀ କାହାଣୀ) ଆସିବ । ତାଙ୍କ କହିବାନୁସାରେ, ଋଷଭଙ୍କ ସହ ଆଲୋଚନା କରିବା ପରେ ଆମେ ନିଷ୍ପତ୍ତି ନେବୁ କେଉଁଟା ନିର୍ମାଣ ହେବ।
