ଢେଙ୍କାନାଳ,୧୭।୬(ରତନ ନାୟାର): ଢେଙ୍କାନାଳ ସଦର ରେଞ୍ଜ ତଥା ଢେଙ୍କାନାଳ କପିଳାସ ରାସ୍ତାର ମେଘା ସଂରକ୍ଷିତ ଜଙ୍ଗଲରେ ଗତ ୯ ତାରିଖରୁ ଗୋଠଛଡ଼ା ହୋଇ ରହିଥିବା ୩ ବର୍ଷର ମାଈହାତୀ ହଠାତ୍ ଅସୁସ୍ଥ ହୋଇ ପଡ଼ିଥିଲା । ପାଟ୍ରୋଲିଂ କରୁଥିବା ବନ କର୍ମଚାରୀ ଏହା ଦେଖିବା ପରେ ଜିଲା ବନଖଣ୍ଡ ଅଧିକାରୀଙ୍କୁ ଜଣାଇଥିଲେ । ଏହା ପରେ ବନ ବିଭାଗ ପୋଲିସ ସହାୟତାରେ କପିଳାସ ପ୍ରାଣୀ ଉଦ୍ୟାନର ଚିକିତ୍ସକଙ୍କ ସହାୟତାରେ ଟ୍ରାଙ୍କୁଲାଇଜର କରି ହାତୀମୁଣ୍ଡରେ ପ୍ରବଳ ପାଣି ଢାଳିଥିଲେ । ଏହା ପରେ ହାତୀଛୁଆକୁ ଏକ ପିକ୍ଅପ୍ ଭ୍ୟାନରେ କପିଳାସ ପ୍ରାଣୀ ଉଦ୍ୟାନ ପରିସରରେ ଥିବା ହାତୀ ଉଦ୍ଧାର କେନ୍ଦ୍ରକୁ ଅଧିକ ଚିକିତ୍ସା ପାଇଁ ନିଆଯାଇଥିଲା। ହାତୀଛୁଆକୁ ଦେଖିବାକୁ ବ୍ୟାପକ ଜନସମାଗମ ହୋଇଥିଲା ।