ଜେରୁଜେଲମ,୧୧।୧୦: ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ହୋଇଥିବା ରକ୍ତ ଯୁଦ୍ଧ ବର୍ତ୍ତମାନ ଏକ ଭୟଙ୍କର ରୂପ ନେଇଛି। ଦିନକୁ ଦିନ ମୃତ୍ୟୁ ସଂଖ୍ୟା ବଢିବାରେ ଲାଗିଛି। ଆହତଙ୍କ ସଂଖ୍ୟା ମଧ୍ୟ ବୃଦ୍ଧି ପାଉଛି। ଉଭୟଙ୍କ ମଧ୍ୟରୁ କେହି ପଛକୁ ହଟିବାର କୌଣସି ସଙ୍କେତ ଦେଖାଯାଉନାହିଁ। ସାମ୍ପ୍ରତିକ ପରିସ୍ଥିତିକୁ ଦେଖିଲେ ଲାଗୁଛି ଯେ, ଏହି ଯୁଦ୍ଧ ରୁଷିଆ ଏବଂ ୟୁକ୍ରେନ ଭଳି ହେବ। ତେବେ ଯୁଦ୍ଧ କିପରି ଶେଷ ହେବ ଏବଂ କେଉଁ ଦଳ ବିଜୟ ପାଇବ ତାହା କେବଳ ସମୟ କହିବ। କିନ୍ତୁ ସାମ୍ପ୍ରତିକ ପରିସ୍ଥିତି ବହୁତ ଚିନ୍ତାଜନକ। ପରିସ୍ଥିତି ଏପରି ଯେ ଇସ୍ରାଏଲ ସେନାରେ ସାମିଲ ହେବା ପାଇଁ ହଜାର ହଜାର ଲୋକଙ୍କୁ ଡ୍ୟୁଟିରେ ନିୟୋଜିତ ହେବାକୁ କୁହାଯାଇଛି।
ଡ୍ୟୁଟି ପାଇଁ ଡକାଯାଇଥିବା ଶତାଧିକ ଲୋକଙ୍କ ମଧ୍ୟରେ ଉରି ମିଣ୍ଟଜର ଏବଂ ଏଲିନୋର ଜୋସେଫିନ ଅଛନ୍ତି, ଯାହାଙ୍କୁ ସୈନ୍ୟ ରିଜର୍ଭରେ ରଖାଯାଇଛି ଅର୍ଥାତ୍ ଏହି କପଲ ବର୍ତ୍ତମାନ ଇସ୍ରାଏଲର ସୁରକ୍ଷା ପାଇଁ ସେନାରେ ସାମିଲ ହେବାକୁ ଯାଉଛନ୍ତି। ବାସ୍ତବରେ ଏହି କପଲି ପରସ୍ପରକୁ ବହୁତ ଭଲ ପାଆନ୍ତି। ହେଲେ ସେମାନଙ୍କର କୌଣସି ଧାରଣା ନ ଥିଲା ଯେ ହମାସ ହଠାତ୍ ଇସ୍ରାଏଲ ଉପରେ ଆକ୍ରମଣ କରି ଯୁଦ୍ଧ ଆରମ୍ଭ କରିବ। ଇସ୍ରାଏଲର ଅବସ୍ଥା ବିଗିଡିଯିବାରୁ ଏହି କପଲଙ୍କୁ ସେନାରେ ଯୋଗଦେବାକୁ କୁହାଯାଇଛି। ଏହି କପଲ ସେନାରେ ଯୋଗଦେବା ପୂର୍ବରୁ ବିବାହ କରିବାକୁ ନିଷ୍ପତ୍ତି ନେଇଛନ୍ତି।
ଶନିବାର ଆକ୍ରମଣର ଗୋଟିଏ ଦିନ ଅର୍ଥାତ୍ ରବିବାର ରାତିରେ ଦୁହେଁ ଏକ ବିବାହ ଆୟୋଜନ କରିଥିଲେ, ଯେଉଁଥିରେ ପରିବାରର କିଛି ଘନିଷ୍ଠ ସଦସ୍ୟ ଉପସ୍ଥିତ ଥିଲେ। ଯେତେବେଳେ ଏହି କପଲଙ୍କୁ ସେନାରେ ଯୋଗଦେବାକୁ ଡକାଗଲା, ସେତେବେଳେ ଉଭୟ ଥାଇଲ୍ୟାଣ୍ଡ ଗସ୍ତରେ ଥିଲେ। ଆକ୍ରମଣ ବିଷୟରେ ସୂଚନା ପାଇବା ମାତ୍ରେ ଦୁହେଁ ଶୀଘ୍ର ଇସ୍ରାଏଲରେ ପହଞ୍ଚିଥିଲେ।