କେନ୍ଦୁଝର,୫ା୭(ସ୍ବ.ପ୍ର.): କେନ୍ଦୁଝର ଜିଲାରେ ରବିବାର ଆଉ ୨୫ କରୋନା ପଜିିଟିଭ୍ ଚିହ୍ନଟ ହେବା ପରେ ଜିଲାରେ ଆକ୍ରାନ୍ତଙ୍କ ସଂଖ୍ୟା ୧୮୨ ରେ ପହଞ୍ଚିଛି। ଆକ୍ରାନ୍ତମାନେ ଘଟଗାଁ, ଘଷିପୁରା, ହରିଚନ୍ଦନପୁର, ପାଟଣା, ହାଟଡିହି ଓ ସଦର ବ୍ଲକ ଅଞ୍ଚଳର ବୋଲି ଜଣାପଡ଼ିଛି। ସେମାନଙ୍କ ମଧ୍ୟରୁ ୧୧ ଜଣଙ୍କର ଲୋକାଲ କଣ୍ଟାକ୍ଟ ଥିବା ବେଳେ ସେମାନେ ସମସ୍ତେ କୋଭିଡ୍ ପଜିଟିଭ୍ଙ୍କ ସଂସ୍ପର୍ଶରେ ଆସିଥିଲେ। ଏଣୁ ସେମାନଙ୍କ କଣ୍ଟାକ୍ଟ ଟ୍ରେସିଂ କରାଯାଉଛି ବୋଲି ଜିଲାପାଳ ଆଶିଷ ଥାକରେ କହିଛନ୍ତି। ଅନ୍ୟ ୧୪ ଜଣ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରରେ ଥିଲେ। ଜିଲାର ସମୁଦାୟ୧୮୨ କରୋନା ରୋଗୀଙ୍କ ମଧ୍ୟରୁ ୧୦୧ ଜଣ ଚିକିତ୍ସିତ ହୋଇ ଘରକୁ ଫେରିଥିବା ଜଣାପଡ଼ିଛି। ଏହାକୁ ମିଶାଇ ଅନ୍ୟ ୮୧ ଜଣ ଚିକିତ୍ସିତ ହେଉଛନ୍ତି। ବଡ଼ବିଲ ଅଞ୍ଚଳରେ ୧୧ ଜଣ ଲୋକାଲ କଣ୍ଟାକ୍ଟ ଜଣାପଡ଼ିବା ପରେ ବଡ଼ବିଲ ଅଞ୍ଚଳକୁ ୭ ଦିନ ପାଇଁ ଶଟ୍ଡାଉନ୍ ଘୋଷଣା କରାଯାଇଛି।
