ଓ୍ବାଶିଂଟନ, ୧୧।୭: କରୋନା ମହାମାରୀ ସଂକ୍ରମଣରେ ଆମେରିକାରେ ସ୍ଥିତି ଅଣାୟତ୍ତ ହେବାରେ ଲାଗିଛି। କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧିରେ ଏହା ପୃଥିବୀରେ ରେକର୍ଡ କରିଛି। ଗତ ୨୪ ଘଣ୍ଟା ମଧ୍ୟରେ ଏଠାରେ ୭୦ ହଜାରରୁ ନୂଆ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଛି। ଶନିବାର ସୁଦ୍ଧା ଏଠାରେ କରୋନା ଆକ୍ରାନ୍ତଙ୍କ ସଂଖ୍ୟା ୩୨ ଲକ୍ଷ ୯୧ ହଜାର ୭୮୬ରେ ପହଞ୍ଚିଛି। ସେହିପରି ମୃତ୍ୟୁ ସଂଖ୍ୟା ଲକ୍ଷେ ୩୬ ହଜାର ୬୭୧ରେ ଛୁଇଁଛି। ଇତିମଧ୍ୟରେ ୧୪ ଲକ୍ଷ ୬୦ ହଜାର ୪୯୫ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ଆମେରିକା କହିଛି। ସୂଚନାଯୋଗ୍ୟ, ପୃଥିବୀରେ କରୋନା ଆକ୍ରାନ୍ତଙ୍କ ସଂଖ୍ୟା କୋଟିଏ ୨୬ ଲକ୍ଷ ୪୨ ହଜାର ୬୮୬ରେ ପହଞ୍ଚିଛି। ଅପରପକ୍ଷରେ ମୃତକଙ୍କ ସଂଖ୍ୟା ୫ ଲକ୍ଷ ୬୩ ହଜାର ୧୭୩ ଛୁଇଁଛି। ଶନିବାର ସୁଦ୍ଧା ୭୩ ଲକ୍ଷ ୭୯ ହଜାର ୪୧୧ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଥିବା ଓ୍ବାଲର୍ଡ କରୋନା ମିଟର ତଥ୍ୟରୁ ଜଣାପଡ଼ିଛି।