ଆମ ବିଶ୍ୱରେ ଅନେକ ସ୍ଥାନ ଅଛି, ଯାହା ରହସ୍ୟ ଏବଂ ଆଶ୍ଚର୍ଯ୍ୟରେ ପରିପୂର୍ଣ୍ଣ । ଏପରି କେତେକ ସ୍ଥାନ ଅଛି ଯାହା ପ୍ରାକୃତିକ ସୌନ୍ଦର୍ଯ୍ୟରେ ପରିପୂର୍ଣ୍ଣ ତ ଆଉ କେତେକ ବିପଦରେ। ଆପଣ କେବେ ଏପରି ସ୍ଥାନ ବିଷୟରେ ଶୁଣିଛନ୍ତି ଯେଉଁଠାରେ ମଣିଷ ନୁହେଁ ସାପଙ୍କ ରାଜୁତି ଚାଲେ। ଏପରି ଏକ ସ୍ଥାନ ବିଷୟରେ କହିବାକୁ ଯାଉଛୁ ଯେଉଁଠାରେ ଯିବା ବିପଦ। ଏହି ସ୍ଥାନରେ ଏତେଗୁଡ଼ିଏ ସାପ ଅଛି ଯେ, ଯଦି ଜଣେ ବ୍ୟକ୍ତି ଭୁଲରେ ସେଠାକୁ ଯାଆନ୍ତି, ତେବେ ସେ ଜୀବନ୍ତ ଫେରି ଆସିବେ ବୋଲି ଆଶା କରାଯାଇପାରିବ ନାହିଁ ।
ବାସ୍ତବରେ, ଏହି ବିପଦପୂର୍ଣ୍ଣ ସ୍ଥାନ ବ୍ରାଜିଲରେ ଅଛି, ଯାହାକୁ ‘ସାପ ଦ୍ୱୀପ’ କୁହାଯାଏ। ଏହି ଦ୍ୱୀପର ପ୍ରକୃତ ନାମ ହେଉଛି ’ଇଲାହା କାଏମାଡା’ । ଯଦିଓ ଏହି ଦ୍ୱୀପ ବହୁତ ଦୂରରୁ ସୁନ୍ଦର ଦେଖାଯାଏ, କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଏହି ଦ୍ୱୀପରେ ଦୁନିଆର ସବୁଠାରୁ ବିପଜ୍ଜନକ ସାପ ଦେଖିବାକୁ ମିଳେ।
ସାପର ଦ୍ୱୀପରେ ବିଭିନ୍ନ ପ୍ରଜାତିର ସାପ ମଧ୍ୟ ଦେଖିବାକୁ ମିଳେ। ଏହି ପ୍ରଜାତିର ସାପମାନଙ୍କର ମଧ୍ୟ ଉଡ଼ିବାର କ୍ଷମତା ଅଛି। କୁହାଯାଏ ଯେ, ଏହି ସାପର ବିଷ ଏତେ ବିପଜ୍ଜନକ ଯେ ମନୁଷ୍ୟ ଦେହରୁ ମାଂସ ଝଡିପଡ଼େ।
ଏହି ଦ୍ୱୀପରେ ବିଭିନ୍ନ ପ୍ରଜାତିର ୪୦୦୦ରୁ ଅଧିକ ସାପ ଅଛନ୍ତି। ବ୍ରାଜିଲର ନୌସେନା ସାଧାରଣ ଲୋକଙ୍କୁ ଏହି ସ୍ଥାନ ପରିଦର୍ଶନ କରିବାକୁ ବାରଣ କରିଥାନ୍ତି। କେବଳ ସାପ ସମ୍ବନ୍ଧୀୟ ବିଶେଷଜ୍ଞମାନଙ୍କୁ ଏହି ଦ୍ୱୀପରେ ଅନୁସନ୍ଧାନ କରିବାକୁ ଅନୁମତି ଦିଆଯାଇଥାଏ। ତଥାପି, ସେମାନେ କେବଳ ଉପକୂଳବର୍ତ୍ତୀ ଅଞ୍ଚଳରେ ଅନୁସନ୍ଧାନ କରି ଫେରନ୍ତି। ସେମାନେ ଦ୍ୱୀପ ଭିତରକୁ ଅଧିକ ଯିବାକୁ ସାହସ କରନ୍ତି ନାହିଁ।
ତେବେ କେତେକ ଶିକାରୀ ଲୁଚିକି ଦ୍ୱୀପ ଭିତରକୁ ଯାଇ ବେଆଇନ ଭାବେ ସାପ ଧରିବା ବିକନ୍ତି। ଏଠାରେ ମିଳୁଥିବା ସୁବର୍ଣ୍ଣ ଲାନ୍ସହେଡ ୱିପରର ସାପର ଅନ୍ତର୍ଜାତୀୟ ବଜାର ଦର ୧୮ ଲକ୍ଷ ଟଙ୍କା।
