ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଏକ ସାପକୁ ଦେଖିବାକୁ ମିଳୁଛି। ସାପଟି ତା ପାଟିରୁ ଗୋଟିଏ ପରେ ଗୋଟିଏ ଅଣ୍ଡା ବାହାର କରୁଛି। ଯାହାକୁ ଦେଖିଲେ ହୁଏତ ଆପଣଙ୍କୁ ଲାଗିବ ସାପଟି ପାଟି ପଟେ ଅଣ୍ଡା ଦେଉଛି। ମାତ୍ର ତାହା ନୁହେଁ ସାପଟି ୧୦ଟି ଚିକେନ୍ ଅଣ୍ଡାକୁ ଖାଇଦେଇଥିଲା। ଯାହାକୁ ସେ ହଜମ କରିପାରି ନାହିଁ। ପରେ ସେ ସେହି ଅଣ୍ଡାଗୁଡ଼ିକୁ ପାଟିରୁ ବାହାର କରୁଛି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।