କୋକସରା,୯ା୭(ଡି.ଏନ୍.ଏ.): ପୋଷା କୁକୁରଟିଏ ଦେଖାଇଛି ମାଲିକ ପ୍ରତି ଥିବା ତା’ର ଆନୁଗତ୍ୟ। ସକାଳୁ ମାଲିକ ଘରକୁ ଏକ ନାଗସାପ ପଶି ଆସୁଥିବା ଦେଖି ଅଧାବାଟରେ ସାପକୁ ଅଟକାଇଥିଲା ପୋଷା କୁକୁର। କୁକୁର ଭୁକିବା ପରେ ପରିବାର ଲୋକେ ଆସି ଏକ ନାଗସାପ ଥିବା ଦେଖି ଭୟଭୀତ ହୋଇପଡ଼ିଥିଲେ। ପରେ ସ୍ଥାନୀୟ ଜଣେ ସାପ ଧରାଳିଙ୍କୁ ଖବର ଦେଇ ସାପକୁ ଉଦ୍ଧାର କରିଥିବା ଜଣାପଡ଼ିଛି। ଆଜି କଳାହାଣ୍ଡି ଜିଲା କୋକସରା ଗ୍ରାମର ମାଝିପଡ଼ାର କୁଳମଣି ମାଝିଙ୍କ ବାଡ଼ି ପଛ ପଟେ ଥିବା କୂଅ ନିକଟରେ ଏକ ନାଗସାପ ଘରକୁ ପଶୁଥିବା ଦେଖି ପୋଷା କୁକୁର ହଠାତ୍ ଭୁକିବା ଆରମ୍ଭ କରିବା ସହ ସାପକୁ ଅଟକାଇ ରଖିଥିଲା। ପରେ ସାପ ଧରାଳିଙ୍କୁ ଡାକି ସାପକୁ ଉଦ୍ଧାର କରାଯାଇଛି। ପୋଷା କୁକୁର ପାଇଁ ପରିବାର ଏକ ଆସନ୍ନ ବିପଦରୁ ରକ୍ଷା ପାଇଛନ୍ତି। ସାପ ଧରାଳି ସାପକୁ ସୁରକ୍ଷିତ ଭାବେ ନିକଟସ୍ଥ ଜଙ୍ଗଲରେ ଛାଡ଼ିଥିବା ଜଣାପଡ଼ିଛି।
