ମୁମ୍ବାଇଠାରୁ ୧୨୦ କି.ମି. ଦୂର ପାଲଘରର କେଲଓ୍ବେ ଗାଁରେ ବହୁ ବର୍ଷ ଧରି ପାଣିର ବହୁତ ସମସ୍ୟା ରହିଆସିଛି। ଏଠାରେ ପାଣି ପାଇଁ ନଦୀ ଏକମାତ୍ର ସାହା ଭରସା। ଏବେ ଏହି ନଦୀର ଜଳସ୍ତର ବି ବହୁତ କମି ଗଲାଣି। ତଥାପି ଗାଁ ମହିଳାମାନେ କିଲୋମିଟର କିଲୋମିଟର ରାସ୍ତା ଚାଲି ଚାଲି ଯାଇ ନଦୀରୁ ପାଣି ଆଣନ୍ତି। ଏହି ଗାଁର ନବମ ଶ୍ରେଣୀରେ ପଢୁଥିବା ପ୍ରଣବ ରମେଶ ସାଲକର୍ ନାମକ ଏକ ୧୪ ବର୍ଷୀୟ ପିଲାର ମା’ ବି ଉକ୍ତ ନଦୀକୁ ଚାଲି ଚାଲି ପାଣି ଆଣିବାକୁ ଯାଆନ୍ତି। ମା’ଙ୍କର ଏଭଳି କଷ୍ଟ ଦେଖି ପ୍ରଣବ ସହି ପାରୁ ନ ଥିଲା। ଶେଷରେ ସେ ନିଷ୍ପତ୍ତି ନେଲା ନିଜ ଘର ପାଖରେ ହିଁ ଏକ କୁଅ ଖୋଳିବ। ମା’ ପ୍ରଥମେ ପ୍ରଣବର ଏହି କାମକୁ ପିଲାଳିଆମୀ ଭାବୁଥିଲେ। ହେଲେ ପ୍ରଣବ ଲଗାତାର ଖୋଳି ୫ ଫୁଟ୍ ଗଭିରତା ପର୍ଯ୍ୟନ୍ତ ଖୋଳି ଦେଲା। ମା’ ବୁଝିଗଲେ ଯେ, ପ୍ରଣବ ମଜା କରୁ ନ ଥିଲା। ଏକଥା ଗାଁ ସାରା ପ୍ରଚାର ହୋଇଗଲା। ଲଗାତାର ୪ ଦିନ ଖୋଳି ସେ ୧୫ ଫୁଟ କୁଅ ଖୋଳିଦେଲା। ଆଉ ଶେଷରେ ପାଣିର ଉତ୍ସ ବି ବାହାରିଲା। ପ୍ରଣବର ଏଭଳି ମା’ ପ୍ରତି ଭଲ ପାଇବା ଓ ସାହସ ଏବେ ଚର୍ଚ୍ଚାର ବିଷୟ ପାଲଟିଛି।