ସାଉଥ୍ ଅଭିନେତ୍ରୀ ନୟନତାରା ବିବାହ ବନ୍ଧନରେ ବାନ୍ଧି ହୋଇଛନ୍ତି। ନୟନତାରା -ବିଘ୍ନେଶ ଶିବନ ୭ ବର୍ଷ ଧରି ପରସ୍ପରକୁ ଡେଟ୍ କରିବା ପରେ ଜୁନ୍ ୯ ଅର୍ଥାତ୍ ଆଜି ବିବାହ କରିଛନ୍ତି। ବର୍ତ୍ତମାନ ଏହି ଦମ୍ପତି ସେମାନଙ୍କ ବିବାହ ଦିନଟିକୁ ସ୍ମରଣୀୟ କରିବାକୁ ଚାହୁଁଛନ୍ତି। ସେ ଏକ ଉତ୍ତମ କାର୍ଯ୍ୟ କରିବାକୁ ନିଷ୍ପତ୍ତି ନେଇଛନ୍ତି। ଏହି ଦମ୍ପତି ନିଷ୍ପତ୍ତି ନେଇଛନ୍ତି, ସେମାନେ ତାମିଲନାଡୁର ୧୮୦୦୦ ପିଲା ଏବଂ ୧ ଲକ୍ଷ ଗରିବ ଲୋକଙ୍କୁ ଖାଇବାକୁ ଦେବେ। ଏହା ସେମାନଙ୍କ ପାଇଁ ଏକ ବଡ଼ ଦିନ ଏବଂ ସେମାନଙ୍କର ବିବାହ ଦିନ ସେମାନେ ସମସ୍ତଙ୍କର ପ୍ରାର୍ଥନା ଏବଂ ଶୁଭେଚ୍ଛା ଗ୍ରହଣ କରିବାକୁ ଚାହାନ୍ତି। ଆଜି ସକାଳେ ବିବାହ ରୀତିନୀତି ଆରମ୍ଭ ହୋଇଥିଲା।
ନୟନତାରା ସାଉଥ୍ ଇଣ୍ଡଷ୍ଟ୍ରିର ଅଧିକ ପାରିଶ୍ରମିକ ନେଉଥିବା ଅଭିନେତ୍ରୀ। ବିଘ୍ନେଶ ହେଉଛନ୍ତି ଫିଲ୍ମ ନିର୍ମାତା ଏବଂ ଗୀତିକାର। ୨୦୧୫ରେ ଉଭୟ ପରସ୍ପରକୁ ଭଲ ପାଇଥିଲେ। ତାଙ୍କର ଏହି ସାକ୍ଷାତ ‘ନାନମ୍ ରାଉଡ୍ ଧାନ୍’ରେ ହୋଇଥିଲା। ୭ ବର୍ଷ ପରେ ଉଭୟେ ବିବାହ କରିଛନ୍ତି। ଚେନ୍ନାଇର ମହାବଳୀପୁରମ୍ରେ ସେମାନଙ୍କର ବିବାହ ହୋଇଛି। ବଲିଉଡ୍ର ଅଭିନେତା ଶାହରୁଖ ଖାନ୍ ଏବଂ ଦକ୍ଷିଣରୁ ରଜନୀକାନ୍ତଙ୍କ ପରି ଷ୍ଟାର୍ମାନେ ସେମାନଙ୍କ ବିବାହ ଉତ୍ସବରେ ଯୋଗ ଦେଇଛନ୍ତି।