ଆରଡ଼ି,୨୭ା୧୧(ଡି.ଏନ୍.ଏ.): ଭଦ୍ରକ ଜିଲାର ଶୈବପୀଠ ଆରଡ଼ିରେ ଜଣେ ସେବାୟତ ଅନ୍ୟଜଣେ ସେବାୟତଙ୍କୁ ଛୁରାମାଡ଼ କରି ଆହତ କରିଥିବା ଆରଡି ପୋଲିସ ଫାଣ୍ଡିରେ ଅଭିଯୋଗ ହୋଇଛି। ଅଭିଯୋଗ ଅନୁସାରେ ତପନ ପାଢ଼ୀ ଓ ମନୋରଞ୍ଜନ ପାଢ଼ୀଙ୍କ ମଧ୍ୟରେ ଟିପାମରା କାରଣକୁ ନେଇ ବଚସା ହୋଇଥିଲା। ପରେ ତପନଙ୍କ ଛୁରାମାଡ଼ରେ ମନୋରଞ୍ଜନ ବେକ ପଛ ଓ କାନ୍ଧରେ ଆଘାତ ଲାଗିଥିଲା। ଆରଡ଼ି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ମନୋରଞ୍ଜନ ଚିକିତ୍ସିତ ହୋଇ ନିଜ ଘରକୁ ଫେରିଛନ୍ତି। ଆରଡ଼ି ଫାଣ୍ଡି ଅଧିକାରୀ ସୁରେନ୍ଦ୍ର କୁମାର ମଲ୍ଲ ଘଟଣାସ୍ଥଳରେ ପହଞ୍ଚି ତପନଙ୍କୁ କାବୁ କରି ଧୂଷୁରୀ ଥାନାକୁ ପଠାଇଛି। ଆରଡ଼ିରେ ପରିସ୍ଥିତି ଉତ୍ତେଜନା ଥିବାରୁ ଧୂଷୁରୀ ଥାନାଧିକାରିଣୀ ସୁକାନ୍ତି କେରେଇ ଏଏସ୍ଆଇ ସେବତୀ କରଙ୍କ ସହ ଆରଡ଼ିରେ ପହଞ୍ଚି ପରିସ୍ଥିତି ଉପରେ ନଜର ରଖିଛନ୍ତି।