ଦ ଷ୍ଟାରୀ ନାଇଟ୍ ସ୍ଲିପ୍ ଟେକ୍ନୋଲୋଜି ବେଡ୍ ନାମରେ ପରିଚିତ ଏହି ଖଟଟିକୁ ଅତ୍ୟାଧୁନିକ ଜ୍ଞାନକୌଶଳଦ୍ୱାରା ପ୍ରସ୍ତୁତ କରାଯାଇଛି। ଏହି ବେଡ୍ରେ ସ୍ବତନ୍ତ୍ର ଆଣ୍ଟି ସ୍ନୋର୍ ଟେକ୍ନୋଲୋଜିର ବ୍ୟବହୃତ କରାଯାଇଥ୍ତ୍ବାରୁ ଏଥିରେ ଘୁଙ୍ଗୁଡ଼ି ମାରୁଥିବା ଲୋକ ଶୋଇଲେ ଆପେ ଆପେ ତାଙ୍କର ଘୁଙ୍ଗୁଡ଼ି ମାରିବାର ଅଭ୍ୟାସ କମିଯାଏ ବୋଲି ସୂଚନା ରହିଛି। କେବଳ ସେତିକି ନୁହେଁ, ଏହି ଖଟରେ ଆଇପଡ୍ ସ୍ଲଟ୍, ଇଣ୍ଟରନେଟ୍ କନେକ୍ସନ୍, କମ୍ଫର୍ଟ ସେଟିଙ୍ଗ୍ ତଥା ଘରର ତାପମାତ୍ରାକୁ ନିୟନ୍ତ୍ରଣରେ ରଖିବାରେ ସ୍ବତନ୍ତ୍ର ଫିଚର୍ସ ଇତ୍ୟାଦି ମଧ୍ୟ ଉପଲବ୍ଧ ରହିଛି। ସେହିପରି ଉକ୍ତ ଖଟରେ ଏକ ଭିଡିଓ ପ୍ରୋଜେକ୍ଟର ବି ଲାଗିଛି, ଯାହାକୁ ଚାଲୁ କରିବା ମାତ୍ରେ ଘରର ସିଲିଂରେ ନୀଳ ଆକାଶର ପ୍ରତିବିମ୍ବ ଦେଖାଯିବ, ଯେଉଁଥିରେ ସୁନେଲି ରଙ୍ଗର ତାରା ଗୁଡ଼ିକ ଝଲସୁଥିବ। ଥରେ ଭାବିଲେ କେମିତି ଥିବ ଉକ୍ତ ଦୃଶ୍ୟଟି! ନିହାତି ମନଲୋଭା ହୋଇଥିବ ନା! ସେଥିପାଇଁ ତ ଏହି ଖଟର ଦାମ୍ ପ୍ରାୟ ୫୦ ହଜାର ଡଲାର୍ ରଖାଯାଇଛି।