କେନ୍ଦୁଝର,୨୧ା୯(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲାର ବିଭିନ୍ନ ସ୍ଥାନରୁ ଗାଡ଼ି ଚୋରି ହେବା ଗାଡ଼ି ମାଲିକଙ୍କ ମଧ୍ୟରେ ଆତଙ୍କ ଖେଳାଇ ଦେଇଛି। ମଙ୍ଗଳବାର ବିଳମ୍ବିତ ରାତିରେ ଚମ୍ପୁଆ ଥାନା ଅନ୍ତର୍ଗତ ରିମୁଳି ନିକଟରୁ ଏକ ୧୦ ଚକିଆ ଟ୍ରକରେ ଶୋଇଥିବା ବେଳେ କେତେକ ଦୁର୍ବୃତ୍ତ ଡ୍ରାଇଭରଙ୍କୁ ଉଠାଇଥିଲେ। ଡ୍ରାଇଭରଙ୍କୁ ମାଡ଼ ମାରି ଟ୍ରକ୍ଟିକୁ ଲୁଟି ଫେରାର ହୋଇ ଯାଇଥିବା ଅଭିଯୋଗ ହୋଇଥିଲା। ତେବେ ଉକ୍ତ ଟ୍ରକଟି ଝାଡ଼ଖଣ୍ଡ ରାଜ୍ୟର ଚାଇବାସା ରାସ୍ତାରୁ ଗୁରୁବାର ଉଦ୍ଧାର କରାଯାଇଛି। ତେବେ ଏ ନେଇ ପୋଲିସ ଖୋଳତାଡ଼ ଆରମ୍ଭ କରିଛି।