ଦାରିଙ୍ଗବାଡ଼ି,୨୮ା୧୧(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ବାମୁଣୀଗାଁ ଥାନା ସିକରମାହା ଘାଟିରେ ସୋମବାର ସକାଳୁ ଏକ ପଥର ବୋଝେଇ ଟ୍ରାକ୍ଟର ଦୁର୍ଘଟଣା ହୋଇଛି। ଫଳରେ ଦାରିଙ୍ଗବାଡ଼ିଠାରୁ ବାମୁଣୀଗାଁ ପୂର୍ତ୍ତବିଭାଗ ରାସ୍ତାରେ ଯାତାୟାତ ଠପ୍ ହୋଇଯାଇଛି। ସେହି ରାସ୍ତାରେ ଏବେ ଏକାଧିକ ଗାଡ଼ି ଅଟକି ରହିଛି। ଖବର ଲେଖାହେବା ସୁଦ୍ଧା ଘଟଣା ସମ୍ପର୍କରେ ପୋଲିସ ନିକଟରେ ଖବର ନ ଥିବା ବାମୁଣୀଗାଁ ଥାନାଧିକାରୀ ଚାପଧାରୀ ପ୍ରଧାନ କହିଛନ୍ତି।
ପ୍ରକାଶ ଯେ, ଦାରିଙ୍ଗବାଡ଼ିଠାରୁ ବାମୁଣୀଗାଁ ପର୍ଯ୍ୟନ୍ତ ପୂର୍ତ୍ତବିଭାଗ ରାସ୍ତା ସମ୍ପ୍ରସାରଣ କାର୍ଯ୍ୟ ଚାଲିଛି। ଏହି କ୍ରମରେ ଏକାଧିକ ଘାଟି କଟାଯାଇ ସମ୍ପ୍ରସାରଣ କାର୍ଯ୍ୟ ଚାଲିଥିବା ବେଳେ ସେହି ରାସ୍ତାରେ ଟ୍ରାକ୍ଟରଟି ଦ୍ରୁତଗତିରେ ଯାଉଥିବା ପ୍ରତ୍ୟକ୍ଷ୍ୟଦର୍ଶୀ କହିଛନ୍ତି। ଟ୍ରାକ୍ଟର ଚାଳକଙ୍କ ସମେତ ଶ୍ରମିକମାନେ ଦୁର୍ଘଟଣା ପରେ ଘଟଣାସ୍ଥଳରେ ନ ଥିବାରୁ ଆହତଙ୍କ ସଂଖ୍ୟା ଜଣାପଡ଼ିନି।