ବ୍ରାହ୍ମଣୀଗାଁ,୮ା୧(ମନୋରଞ୍ଜନ ରଣା) : କନ୍ଧମାଳ ଜିଲା ବ୍ରାହ୍ମଣୀଗାଁଠାରେ ଥିବା ଋଷିମାଳ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଦେବରାଜ ବଳିଆରସିଂଙ୍କ ଅଧ୍ୟକ୍ଷତାରେ ଆତ୍ମରକ୍ଷା ତାଲିମ ଶିବିର ଉଦ୍ଘାଟନ ହୋଇଯାଇଛି। ଯୁକ୍ତ ଦୁଇ ପ୍ରଥମ ବର୍ଷର ୧୬୧ ଜଣ ଛାତ୍ରୀଙ୍କୁ ନେଇ ଏହି ଶିବିର ଆୟୋଜିତ ହୋଇଛି। ଶିବିରକୁ ବ୍ରାହ୍ମଣୀଗାଁ ଥାନାଧିକାରୀ ବିଜୟ କୁମାର ହାଇବୁରୁ ଉଦ୍ଘାଟନ କରି ଛାତ୍ରୀମାନଙ୍କୁ ଆତ୍ମରକ୍ଷା କୌଶଳ ବିଷୟ ଅବଗତ କରାଇଥିଲେ। ଇତିହାସ ଅଧ୍ୟାପକ ରାଜକିଶୋର ସିଂ କାର୍ଯ୍ୟକ୍ରମକୁ ପରିଚାଳନା କରିଥିବାବେଳେ ଓଡ଼ିଆ ଅଧ୍ୟାପକ ଦିବାକର ବେହେରା, ଅଧ୍ୟାପକ ବସନ୍ତ କୁମାର ସିଂ, ଇଂରାଜୀ ଅଧ୍ୟାପିକା ସୁନୀତା କୁମାରୀ ନାୟକ, ଇତିହାସ ଅଧ୍ୟାପକ ସନ୍ତୋଷ କୁମାର ନାହାକ, ଓଡ଼ିଆ ଅଧ୍ୟାପକ ମିଲନ ବେହେରା ପାତ୍ର ଏବଂ ସମସ୍ତ କର୍ମକର୍ତ୍ତା ସହଯୋଗ କରିଥିଲେ।