୧୮୮୫ ମେ ୧୮ରେ ଲର୍ଡ ରିପନ ସ୍ବାୟତ ଶାସନ ପ୍ରାସ୍ତବ ଆଗତ କରିଥିଲେ। ତେବେ ଏହା ପୂର୍ବରୁ ଓଡ଼ିଶାର ପ୍ରଥମ ମ୍ୟୁନିସିପାଲିଟି କେନ୍ଦ୍ରାପଡ଼ାଠାରେ ୧୮୬୯ ମାର୍ଚ୍ଚ ୧୦ରେ ପ୍ରତିଷ୍ଠା ହୋଇଥିଲା। ଆଖପାଖ ୬.୪୭ ବର୍ଗ କିଲୋମିଟର ମଧ୍ୟରେ ଥିବା ୧୪ଟି ପଡା ଗ୍ରାମକୁ ନେଇ ଗଠିତ ଏହି ମ୍ୟୁନିସିପାଲିଟିରେ ୧୮୮୭ରେ ଲୋକାଲ ବୋର୍ଡ ଗଠନ ହୋଇଥିଲା। ପ୍ରଥମ ଥର ୱାର୍ଡ କାଉନସିଲର ନିର୍ବାଚନ ୧୯୧୧ରେ ଅନୁଷ୍ଠିତ ହୋଇଥିଲା। ୧୮୮୫- ୮୬ ରେ ଏହାର ଲୋକସଂଖ୍ୟା ମାତ୍ର ୧୫,୭୧୯ ଥିଲା। ସମ୍ପ୍ରତି ଏହି ମ୍ୟୁନିସିପାଲିଟି ପରିବର୍ଦ୍ଧିତ ହୋଇ ୨୧ ୱାର୍ଡରେ ପରିଣତ ହୋଇଛି। ସେହିପରି ଲୋକ ସଂଖ୍ୟା ୫୪ ହଜାରରୁ ଅଧିକରେ ପହଞ୍ଚତ୍ଛି। ୧୫୨ ବର୍ଷର ଏହି ମ୍ୟୁନିସିପାଲିଟି ମଧ୍ୟରେ ତୁଳସୀ କ୍ଷେତ୍ରାଧିପତି ଶ୍ରୀବଳଦେବଜୀଉଙ୍କ ମନ୍ଦିର ରହିଛି। ମହିଳାଙ୍କୁ ଶିକ୍ଷା ଦେବା ପାଇଁ ଓଡ଼ିଶାର ପ୍ରଥମ ଫେଜର ବାଳିକା ବିଦ୍ୟାଳୟ ଏଠାରେ ଅଛି। ଏହାବ୍ୟତୀତ ଡାଇମଣ୍ଡ ଜୁବୁଲି ପାଠାଗାର, ସୂର୍ଯ୍ୟ ଘଡି ଆଦି ଇତିହାସର ସ୍ବାକ୍ଷର ବହନ କରୁଛି। ଏବେ ବି ଜଳ ନିଷ୍କାସନ, ରାସ୍ତା, ଟ୍ରାଫିକ୍ ସମସ୍ୟା ମଧ୍ୟରେ ସହରବାସୀ ଜୀବନ ଅତିବାହିତ କରୁଛନ୍ତି।
– ଜଗନ୍ନାଥ ଧଳ
