ନୂଆଦିଲ୍ଲୀ,୧୭।୫: ମନି ଲଣ୍ଡରିଂ ମାମଲାରେ ନିର୍ବାଚନ ପ୍ରଚାର ପାଇଁ ମଧ୍ୟବର୍ତ୍ତୀକାଳୀନ ଜାମିନ ପାଇଁ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଶୁଣାଣି କରିବାକୁ ଶୁକ୍ରବାର ସୁପ୍ରିମକୋର୍ଟ ମନା କରିଦେଇଛନ୍ତି। ୨୦୨୪ ଲୋକ ସଭା ନିର୍ବାଚନ ପ୍ରଚାର ପାଇଁ ହେମନ୍ତ ସୋରେନ ମଧ୍ୟବର୍ତ୍ତୀକାଳୀନ ଜାମିନ ଲୋଡିଥିଲେ।
ଜେଏମଏମ ନେତା ସୋରେନଙ୍କ ଓକିଲ କପିଲ ସିବଲ ସୁପ୍ରିମକୋର୍ଟଙ୍କୁ କହିଛନ୍ତି ଯେ ସେ ଜୁନ ୨ରେ ଆତ୍ମସମର୍ପଣ କରିବେ। ଏହା ଉପରେ ଇଡି କହିଛନ୍ତି ଯେ ଜାନୁଆରୀ ୩୧ରେ ସୋରେନଙ୍କୁ ଗିରଫ କରାଯାଇଥିଲା। ନିର୍ବାଚନ ପ୍ରଚାର ରିଲିଜ ପାଇଁ ଆଧାର ହୋଇପାରିବ ନାହିଁ। ଏଥି ସହିତ କୋର୍ଟ ତୁରନ୍ତ ରିଲିଫକୁ ମନା କରି କହିଛନ୍ତି ଯେ ସୋମବାର ସୁଦ୍ଧା ଇଡି ଏକ ଲିଖିତ ଉତ୍ତର ଦାଖଲ କରିବା ଉଚିତ। ବର୍ତ୍ତମାନ ମଙ୍ଗଳବାର, ମେ ୨୧ରେ ଶୁଣାଣି ହେବ। ଝାଡ଼ଖଣ୍ଡରେ ଏକ ରାଉଣ୍ଡ ଭୋଟ ଅନୁଷ୍ଠିତ ହୋଇଯାଇଛି। ପରବର୍ତ୍ତୀ ଭୋଟ ୨୦ ମେ, ୨୫ମେ ଏବଂ ୧ଜୁନରେ ହେବ।