ନୂଆଦିଲ୍ଲୀ,୧୫।୧୦: ଆସନ୍ତା ଅକ୍ଟୋବର ୧୭ରୁ ଆରମ୍ଭ ହେବାକୁ ଯାଉଛି ଆଇସିସି ଟି-୨୦ ବିଶ୍ୱକପ୍। ଏହାକୁ ଦୃଷ୍ଟିରେ ରଖି ଭାରତୀୟ କ୍ରିକେଟ ଟିମ୍ର ନୂଆ ଜର୍ସି ବୁଧବାର ଉନ୍ମୋଚିତ ହୋଇଥିଲା। ଏହି ଜର୍ସିକୁ ବିଶ୍ୱକପ୍ରେ ଖେଳାଳିମାନେ ପିନ୍ଧିବେ। ତେବେ ବିଶ୍ୱର ସବୁଠାରୁ ବଡ଼ ଅଟ୍ଟାଳିକା ବୁର୍ଜ ଖଲିଫାରେ ଏହି ଜର୍ସିକୁ ପ୍ରଦର୍ଶିତ କରାଯାଇଛି। ଏହି ସମୟର ଝଲକକୁ ବିସିସିଆଇ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ଶେୟାର କରିଛି। ଏଥିରେ ଭାରତୀୟ ଖେଲାଳି ବିରାଟ କୋହଲି, ରୋହିତ ଶର୍ମା, ଲୋକେଶ ରାହୁଲ, ରବୀନ୍ଦ୍ର ଜାଡେଜା, ଯଶପ୍ରୀତ ବୁମ୍ରାଙ୍କୁ ଦେଖିବାକୁ ମିଳିଛି। ଏହା ଏକ ଐତିହାସିକ ମୂହୁର୍ତ୍ତ ବୋଲି ବିସିସିଆଇ କହିଛି।
କହିରଖୁଛୁ, ଭାରତୀୟ ଟିମ୍କୁ ଆଇସିସି ଟି-୨୦ ବିଶ୍ୱକପ୍ରେ ଗ୍ରୁପ୍ ବି’ରେ ସ୍ଥାନିତ କରାଯାଇଛି। ଅକ୍ଟୋବର ୨୪ରେ ଦଳ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ଖେଳିବ। ଏଥିସହ ଅକ୍ଟୋବର ୩୧ରେ ଟିମ୍ ଇଣ୍ଡିଆ ନ୍ୟୁଜିଲାଣ୍ଡ ବିପକ୍ଷରେ ଖେଳିବ। ପରେ ନଭେମ୍ବର ୩ରେ ଭାରତ ଆଫଗାନିସ୍ତାନକୁ ଆବୁଧାବିରେ ଭେଟିବ।