ଗଞ୍ଜାମ,୨୧ା୭(ଡି.ଏନ୍.ଏ.): ଗଞ୍ଜାମ ସହର ଓ ଆଖପାଖ ଅଞ୍ଚଳରେ ଅଧିକାଂଶ ସମୟରେ ବେଆଇନ ମଦ ବିକ୍ରି ଅଭିଯୋଗ ହେଉଛି। ତେବେ ଏହି ଅଭିଯୋଗକୁ ଆଧାର କରି ପୂର୍ବ ଓ୍ବାରେଣ୍ଟ ଥିବା ୪ ଜଣଙ୍କୁ ବୁଧବାର ସ୍ବତନ୍ତ୍ର ଅବକାରୀ ଟିମ୍ ଉଠାଇ ନେଇଥିବା ଜଣାପଡିଛି l ଆଜି ସକାଳେ ସଶସ୍ତ୍ର ପୋଲିସ ସହାୟତାରେ ସ୍ବତନ୍ତ୍ର ଅବକାରୀ ଟିମ୍ ଗଞ୍ଜାମ ସହର ଦାମୋଦରପୁର, ଢମଣା ସାହି ରୋଡ୍ ଓ ପୁଇଁତୋଳାରେ ଅଚାନକ ଚଢ଼ାଉ କରିଥିଲା l ଚଢ଼ାଉ ବେଳେ ଗୋଟିଏ ବି ପ୍ୟାକେଟ୍ କିମ୍ବା କୌଣସି ମଦ କାହାଘରୁ ବାହାରି ନ ଥିବା ବେଳେ ଚଢ଼ାଉ କରାଯାଇଥିବା ଘର ଲୋକଙ୍କୁ ସ୍ବତନ୍ତ୍ର ଅବକାରୀ ଟିମ୍ ଉଠାଇ ନେଇଛି l ଏଥିରେ ଗଞ୍ଜାମ ଥାନା ପୋଲିସ, ଫୋର୍ସ ଗାଡ଼ି ସମେତ ୭ରୁ ଅଧିକ ବୋଲେରୋରେ ୭୦ରୁ ଊର୍ଦ୍ଧ୍ୱ କର୍ମଚାରୀ ସାମିଲ ଥିଲେ।