ବଢୁଛି ଉତ୍ତେଜନା, କଳା ହରିଣ ଶିକାରକୁ ନେଇ ସଲମାନଙ୍କ ପାଖରେ ଏମିତି ଡିମାଣ୍ଡ ରଖିଲା ବିଷ୍ଣୋଇ ସମାଜ

ମୁମ୍ବାଇ,୧୬।୧୦: ୧୯୯୮ରେ ଫିଲ୍ମ ‘ହମ ସାଥ ସାଥ ହୈ’ର ସୁଟିଂ ସମୟରେ ଅଭିନେତା ସଲମାନ ଖାନଙ୍କ ସମେତ କେତେଜଣ ଚଳଚ୍ଚିତ୍ର ସେଲିବ୍ରିଟିଙ୍କ ବିରୋଧରେ କଳା ହରିଣ ଶିକାର ଅଭିଯୋଗ ବର୍ତ୍ତମାନ କୋର୍ଟରେ ବିଚାରାଧୀନ ଅଛି, କିନ୍ତୁ ଏହି ସମୟରେ ବିଷ୍ଣୋଇ ସମାଜ ସଲମାନ ଖାନଙ୍କୁ କ୍ଷମା କରିବେ କି ବୋଲି ପ୍ରଶ୍ନ ଉଠିଲାଣି। ଅଖିଳ ଭାରିତୀୟ ବିଷ୍ଣୋଇ ମହାସଭାର ରାଷ୍ଟ୍ରୀୟ ଅଧ୍ୟକ୍ଷ ଦେବେନ୍ଦ୍ର ବୁଦିଆ କହିଛନ୍ତି ଯେ ଏହି ୨୭ବର୍ଷ ପୁରୁଣା ମାମଲାରେ ବିଷ୍ଣୋଇ ସମ୍ପ୍ରଦାୟ ସଲମାନ ଖାନଙ୍କୁ କ୍ଷମା କରିପାରନ୍ତି।

ସମାଜର ଜ୍ଞାନୀ ଲୋକମାନେ ଏକାଠି ବସି ନିଷ୍ପତ୍ତି ନେଇପାରନ୍ତି, ଯଦି ସଲମାନ ଖାନ ତାଙ୍କ ମନକୁ ଆସନ୍ତି ଏବଂ ନିଜର ଭୁଲକୁ ସ୍ବୀକାର କରନ୍ତି ଏବଂ କ୍ଷମା ମାଗନ୍ତି, ତେବେ ବିଷ୍ଣୋଇ ସମାଜ ଏହାର ୨୯ ନିୟମ ଅନୁଯାୟୀ କ୍ଷମା କରିପାରେ।
ଦେବେନ୍ଦ୍ର ବୁଦିଆ କହିଛନ୍ତି ଯେ ବିଷ୍ଣୋଇ ସମାଜର ୨୯ଟି ନିୟମ ମଧ୍ୟରେ ଏହି ବ୍ୟବସ୍ଥା ଦଶମ ନିୟମରେ ଅଛି। ତ୍ରୁଟି ହେଲେ କ୍ଷମା ପାଇଁ ଏକ ବ୍ୟବସ୍ଥା ଅଛି । ଆମର ଧାର୍ମିକ ଗୁରୁ ପ୍ରଭୁ ଜାମ୍ବେଶ୍ୱର ଜୀ ଙ୍କ ଦ୍ୱାରା ପ୍ରସ୍ତୁତ ୨୯ ଟି ନିୟମର ବ୍ୟବସ୍ଥା ମଧ୍ୟରେ ଏପରି ଏକ ନିୟମ ଅଛି ଯେଉଁଥିପାଇଁ ଯଦି କେହି କୌଣସି ଅପରାଧ କରିଥିବେ ତେବେ ଆମେ ତାଙ୍କ ଉପରେ ଦୟା କରି ତାଙ୍କୁ କ୍ଷମା କରିପାରିବା।