ରୁଷିଆ-ୟୁକ୍ରେନ, ଇସ୍ରାଏଲ-ହମାସ୍ ଯୁଦ୍ଧ ପରେ ବିଶ୍ୱରେ ତୃତୀୟ ବିଶ୍ୱଯୁଦ୍ଧର ସମ୍ଭାବନାକୁ ନେଇ ଭୟ ସୃଷ୍ଟି ହେଲାଣି। ଲୋକମାନେ ବିଶ୍ୱାସ କରୁଛନ୍ତି ଯେ, ଆଉ ଏକ ବିଶ୍ୱଯୁଦ୍ଧ ଆରମ୍ଭ ହେବାକୁ ଯାଉଛି। ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ଦୁନିଆରେ ସର୍ବଶକ୍ତିମାନ ବୋଲି ବିବେଚନା କରାଯାଉଥିବା ଏକ ଭୟାନକ ପୂର୍ବାନୁମାନ କରିଛି। ଚାଟ୍ ଜିପିଟ ୬ଟି ଦେଶର ନାମ ପ୍ରକାଶ କରିଛି, ଯେଉଁଠାରୁ ତୃତୀୟ ବିଶ୍ୱଯୁଦ୍ଧ ଆରମ୍ଭ ହୋଇପାରେ।
କିଛି ଦିନ ପୂର୍ବରୁ ବ୍ରିଟିଶ ସେନା ମୁଖ୍ୟ ଜେନେରାଲ ଷ୍ଟାଫ୍ ପାଟ୍ରିକ ସାଣ୍ଡର୍ସ ଏବଂ ନାଟୋ ଜେନେରାଲ ସେମାନଙ୍କ ନାଗରିକମାନଙ୍କୁ ଯୁଦ୍ଧ ପାଇଁ ପ୍ରସ୍ତୁତ ହେବାକୁ କହିଥିଲେ। ଏହା ପରେ ସେନା ମୁଖ୍ୟ କହିଥିଲେ ଯେ, ନାଗରିକମାନେ ଅସ୍ତ୍ରଶସ୍ତ୍ର ନେବାକୁ ପ୍ରସ୍ତୁତ ହେବା ଉଚିତ। ପ୍ରତ୍ୟେକ ଦେଶକୁ ସାଧାରଣ ନାଗରିକ ସେନା ପରି ତାଲିମ ଦିଆଯିବା ଉଚିତ, କାରଣ ଯେତେବେଳେ ଯୁଦ୍ଧ ଆରମ୍ଭ ହୁଏ, ସେତେବେଳେ ରିଜର୍ଭ ଫୋର୍ସ ମଧ୍ୟ ପର୍ଯ୍ୟାପ୍ତ ହୋଇ ନ ପାରେ। ଏହା ଅନୁଭବ ହେଲା ଯେ, ବୋଧହୁଏ ଆମେରିକା ଏବଂ ନାଟୋ ଦେଶ ତୃତୀୟ ବିଶ୍ୱଯୁଦ୍ଧ ପାଇଁ ପ୍ରସ୍ତୁତ ହେଉଛନ୍ତି। ଏହା ପରେ, ଯେତେବେଳେ ଚାଟ୍ ଜିପିଟିକୁ ତୃତୀୟ ବିଶ୍ୱଯୁଦ୍ଧର ସମ୍ଭାବ୍ୟ ସ୍ଥାନ ବିଷୟରେ କହିବାକୁ କୁହାଗଲା, ସେ ୬ଟି ହଟ୍ସ୍ପଟ୍ ବିଷୟରେ କହିଛି। ଏକ ରିପୋର୍ଟ ଅନୁଯାୟୀ, ଏହି ୬ଟି ସ୍ଥାନ ହେଉଛି ବିଶ୍ୱଯୁଦ୍ଧର କେନ୍ଦ୍ରବିନ୍ଦୁ। ଯାହା ବିଶ୍ୱକୁ ଯେକୌଣସି ସମୟରେ ନିଆଁରେ ପରିଣତ କରିପାରେ।
ସେହି ଦେଶଗୁଡ଼ିକ ହେଲା କୋରିଆ ଉପଦ୍ୱୀପ, ମଧ୍ୟ ପୂର୍ବ, ତାଇଓ୍ବାନ, ପୂର୍ବ ୟୁରୋପ, ଦକ୍ଷିଣ ଚାଇନା ସାଗର, ଭାରତ-ପାକିସ୍ତାନ ସୀମାରୁ ତୃତୀୟ ବିଶ୍ୱଯୁଦ୍ଧ ଆରମ୍ଭ ହେବ ବୋଲି ଏକ ରିପୋର୍ଟରୁ ପ୍ରକାଶ।
କୋରିଆ ଉପଦ୍ୱୀପ: କୋରିଆ ଏବଂ ଦକ୍ଷିଣ କୋରିଆ ମଧ୍ୟରେ ତିକ୍ତତା ଶିଖରରେ। ଏଥିରେ ଆମେରିକାର ଯୋଗଦାନ ପାଇଁ ପରିସ୍ଥିତି ଅଧିକ ଖରାପ ହେବାରେ ଲାଗିଛି। ଉତ୍ତର କୋରିଆ କ୍ରମାଗତ ଭାବରେ ନୂତନ କ୍ଷେପଣାସ୍ତ୍ର ପରୀକ୍ଷା କରୁଛି। ଏହା ଚାଇନା ପରି କେତେକ ପ୍ରମୁଖ ଶକ୍ତିଙ୍କଠାରୁ ସମର୍ଥନ ହାସଲ କରୁଛି। ତେଣୁ ଯେକୌଣସି ସମୟରେ ଏଠାରୁ ଏକ ବିଶ୍ୱଯୁଦ୍ଧ ଆରମ୍ଭ ହୋଇପାରେ। ସେମିତି ଆଉ ୫ଟି ଦେଶରୁ ମଧ୍ୟ ତୃତୀୟ ବିଶ୍ୱଯୁଦ୍ଧ ଆରମ୍ଭ ହୋଇପାରେ ଏଥିରେ କୌଣସି ସନ୍ଦେହ ନାହିଁ।