ଆମ ଆଖପାଖରେ ଏମିତି କିଛି ଜୀବଜନ୍ତୁ ଥା’ନ୍ତି ଯେ କି ଆମର ବହୁ ବିଶ୍ୱାସୀ ହୋଇଥାନ୍ତି। ଆଚାର୍ଯ୍ୟ ଚାଣକ୍ୟ ମଧ୍ୟ କହିଛନ୍ତି, ଯଦି ପାରୁଛ ପଶୁପକ୍ଷୀଙ୍କଠାରୁ କିଛି ଶିଖ। କୁକୁର ଏପରି ଏକ ଜୀବ, ଯିଏ ମଣିଷର ସବୁଠୁ ଭଲ ତଥା ବିଶ୍ୱସ୍ତ ବନ୍ଧୁ। କେବଳ ଫିଲ୍ମରେ ନୁହେଁ, ବାସ୍ତବ ଜୀବନରେ ମଧ୍ୟ ଏମିତି କିଛି ଘଟଣା ଦେଖିବାକୁ ମିଳିଥାଏ। ନିଜ ଜୀବନକୁ ବାଜି ଲଗାଇ ମାଲିକର ଜୀବନ ବଞ୍ଚାଇଥାଏ କୁକୁର। ଜାଣନ୍ତୁ ଏପରି କିଛି ବିଶ୍ୱସ୍ତ କୁକୁରଙ୍କ ସମ୍ପର୍କରେ…
ମାଲିକଙ୍କୁ ସାପ ମୁହଁରୁ ବଞ୍ଚାଇଥିଲା ଏହି କୁକୁର
୨୦୧୮ ଜୁନ୍ରେ ପୌଲା ଗଡ୍ଓ୍ବିନ୍ ଅରିଜୋନା ବୁଲିବାକୁ ଯାଇଥିଲେ। ସେଠାରେ ପୌଲା ଭୁଲରେ ସାପ ଉପରେ ପାଦ ରଖିଦେଇଥିଲେ। ଏହି ସମୟରେ ତାଙ୍କ ପୋଷା କୁକୁର ତାଙ୍କ ଜୀବନ ବଞ୍ଚାଇଥିଲା। ଏହା ପରେ ପୌଲା ତାଙ୍କ ଫେସବୁକ୍ରେ ଶେୟାର କରି ଲେଖିଥିଲେ, ଇଏ ମୋ’ ହିରୋ ‘ଟଡ୍’। ଯେ କି ମୋତେ ସାପ କାମୁଡ଼ିବାକୁ ଯାଉଥିବା ସମୟରେ ଡେଇଁକି ମୋ’ ଜୀବନ ରକ୍ଷା କରିଥିଲା।
ହଜି ଯାଇଥିବା ଛୋଟ ଝିଅ ସହ ପୂରା ରାତି ରହିଥିଲା ଏହି କୁକୁର
ୟୁଏସ୍ଏର ମିଶୋରୀରେ ରହୁଥିବା ଏକ ଛୋଟ ଝିଅ କେଉଁଆଡ଼େ ହଜି ଯାଇଥିଲା। ଏହା ପରେ ତାଙ୍କ ପରିବାର ଲୋକେ ଖୋଜିବା ଆରମ୍ଭ କରିଦେଇଥିଲେ। ଦୀର୍ଘ ୧୨ ଘଣ୍ଟା ପରେ ଏକ ମକା ବଗିଚାରୁ ମିଳିଥିଲା। ଝିଅଟି ସହ ତାଙ୍କ ପୋଷା କୁକୁର ‘ଫ୍ୟାଟ୍ ହେଥ୍’ ମଧ୍ୟ ପୂରା ରାତି ରହିଥିଲା। ଏହି ଘଟଣା ମଧ୍ୟ ୨୦୧୮ରେ ଘଟିଥିଲା। ସେତେବେଳେ ଏହି ଘଟଣା ସମଗ୍ର ବିଶ୍ୱରେ ହଇଚଇ ସୃଷ୍ଟି କରିଥିଲା।
ପ୍ରବଳ ଥଣ୍ଡାରୁ ଏକ ଝିଅକୁ ବଞ୍ଚାଇଥିଲା ଏହି କୁକୁର:
୨୦୧୩ରେ ଏକ ୩ ବର୍ଷର ଝିଅ ହଜି ଯାଇଥିଲା ଆଉ ପ୍ରବଳ ଥଣ୍ଡାରେ ପୂରା ରାତି ବାହାରେ ରହିଥିଲା। ଏହି ଝିଅର କେୟାର ଟେକର କୁହନ୍ତି, ଝିଅଟି ସହ ତାଙ୍କ ପୋଷା କୁକୁର ସେମିତି ବାହାରେ ଥଣ୍ଡାରେ ଜଗି ରହିଥିଲା।
