ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। କେତେବେଳେ ଶିକାର ପାଇଁ ବାଘ ପାହାଡ ଉପରୁ ଡେଉଁଛି ତ ଆଉ କେତେବେଳେ ବାଘ ସିଂହ ମଧ୍ୟରେ ଘମାଘୋଟ ଲଢେଇ ଦେଖିବାକୁ ମିଳୁଛି। ଏକ ବାଘ ପାଣି ଭିତରେ ଥିବା କୁମ୍ଭୀରକୁ ପାଟିରେ କାମୁଡି ଉଠାଇ ଆଣୁଥିବା ଭିଡିଓ ସୋସିଆଲ ମିଡିଆରେ ବର୍ତ୍ତମାନ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ନଦୀର ଜଳ ମଧ୍ୟରେ ଥିବା କୁମ୍ଭୀରକୁ ଏକ ବାଘ ଶିକାର କରୁଛି। ପରେ କୁମ୍ଭୀରଟିକୁ ପାଟିରେ ଜାବୁଡି ଧରି ବାଘଟି ଉପରକୁ ଉଠିଆସୁଛି। ଆନ୍ଧ୍ରପ୍ରଦେଶ ସରକାରଙ୍କ ଉପଦେଷ୍ଟା ଏସ. ରାଜୀବ କ୍ରିଷ୍ଣା ନିଜ ଟୁଇଟରେ ଏହି ଭିଡିଓଟିକୁ ଶେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, ଜାଗୁଆରର ଆଶ୍ଚର୍ଯ୍ୟଜନକ ଶକ୍ତି!! ଶକ୍ତିଶାଳୀ ମାଂସପେଶୀ ଶରୀର। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।