ମୁମ୍ବାଇ, ୫।୫: ଭାରତର ସବୁଠୁ ଖ୍ୟାତନାମା ମିଡିଆ କମ୍ପାନୀ ‘ଟାଇମ୍ସ ଗ୍ରୁପ୍’ ଭାଗ ଭାଗ ହେବାକୁଯାଉଛି। ଦୁଇ ଭାଇ ସମୀର ଓ ବୀନିଥ ଜୈନ ଅନେକ ଦିନ ଏକାଠି କମ୍ପାନୀ ପରିଚାଳନା କରୁଥିବାବେଳେ ଦୁହିଁଙ୍କ ମଧ୍ୟରେ ମତ ପାର୍ଥକ୍ୟ ଦେଖାଯାଇଛି, ଯେଉଁ କାରଣରୁ ଟାଇମ୍ସ୍ ଗ୍ରୁପ୍ ମିଡିଆ କମ୍ପାନୀର ଭାଗ ବଣ୍ଟାଯିବ ବୋଲି ଖବର ପ୍ରକାଶ ପାଇଛି। ଏ ନେଇ ଫାଇନାନ୍ସରଙ୍କ ସହିତ କମ୍ପାନୀର ଅର୍ଥକୁ ଭାଗ କରିବା ପ୍ରକ୍ରିୟା ଆରମ୍ଭ କରାଯାଇଛି। ଖବରକାଗଜ, ଟେଲିଭିଜନ୍, ରେଡିଓ, ଡିଜିଟାଲ, ଚଳଚ୍ଚିତ୍ର, ସଙ୍ଗିତ, ଶିକ୍ଷା ଏବଂ ବିରତି କ୍ଷେତ୍ରରେ ଟାଇମ୍ସ ଗ୍ରୁପ୍ ବହୁ ବର୍ଷ ଧରି କାର୍ଯ୍ୟ କରିଆସୁଥିବାବେଳେ ଅନେକ ଛାପ ଛାଡ଼ିଛି। ୨୦୨୧ରେ କମ୍ପାନୀ ଭାଗ ହେବା ନେଇ ପ୍ରଥମେ ଗୁଜବ ଶୁଣିବାକୁ ମିଳିଥିଲା। କିନ୍ତୁ ସେ ସମୟରେ ଇଷ୍ଟହ୍ବାଇଲ୍ ଚେୟାରମ୍ୟାନ୍ ତଥା ସମୀରଙ୍କ ମା’ ଇନ୍ଦୁ ଜୈନ ଏହାକୁ ଖଣ୍ଡନ କରିଥିଲେ।
ବିନେଟ୍ କୋଲେମାନ ଆଣ୍ଡ କୋ ଦ୍ୱାରା ପରିଚାଳିତ ମିଡିଆ ଗ୍ରୁପ୍କୁ ଠିକ୍ ଭାବେ ବାଣ୍ଟିବା ଲାଗି ସମୀର ଓ ବୀନିଥ ସମାଧାନ ଖୋଜୁଛନ୍ତି। ଦେଶର ଲୋକପ୍ରିୟ ଖବରକାଗଜ ଦ ଟାଇମ୍ସ ଅଫ୍ ଇଣ୍ଡିଆ, ଏବଂ ଫାଇନାନ୍ସିଆଲ ଡେଲି ଦ ଇକୋନୋମିକ୍ ଟାଇମ୍ସ ମଧ୍ୟରେ ମଧ୍ୟସ୍ଥତା ବିଭାଜନ ପୂର୍ବ ବର୍ଷ କରାଯାଇଥିଲା। ଏହାକୁ ଗୋପନୀୟ ରଖାଯାଇଥିବାବେଳେ ଏ ନେଇ କୌଣସି ଖବର ପ୍ରକାଶ କରାଯାଇ ନ ଥିଲା । ତେବେ ଦୁଇ ଭାଇଙ୍କ ମଧ୍ୟରେ ଯିଏ ଖବରକାଗଜ ଛପା ବ୍ୟବସାୟ ସମ୍ଭାଳିବେ ସେ ହିଁ କମ୍ପାନୀ ଅର୍ଥକୁ ବ୍ୟବହାର କରିପାରିବେ ବୋଲି କୁହାଯାଉଛି। ଟାଇମ୍ସ ଗ୍ରୁପ୍ ୩ ଭାଗରେ ବଣ୍ଟାଯିବ। କମ୍ପାନୀ ବଣ୍ଟାଯିବା ପରେ ଇନ୍ଭେଷ୍ଟରମାନଙ୍କୁ ନିଜ ୟୁନିଟ୍ରେ ରଖିବା ପାଇଁ ଦୁଇ ଭାଇଙ୍କ ମଧ୍ୟରେ ଛକାପଞ୍ଝା ଦେଖାଯାଇପାରେ। ଏ ନେଇ ସମୀର, ବୀନିଥ ଜୈନଙ୍କ ସହ କମ୍ପାନୀ ପ୍ରତିନିଧି କୌଣସି ଇ-ମେଲ୍ କିମ୍ବା ମେସେଜ୍ର ଉତ୍ତର ଦେଉନାହାନ୍ତି। ଅନ୍ୟପକ୍ଷେ ବର୍ତ୍ତମାନ ସମୟରେ ଭାରତୀୟ ମିଡିଆ ଓ ଏଣ୍ଟରଟେନ୍ମେଣ୍ଟ ସେକ୍ଟରରୁ ଭଲ ଆୟ ହେଉଛି। ଆସନ୍ତାବର୍ଷ ଏହା ୨.୩ ବିଲିୟନ୍ ଡଲାର ଛୁଇବ ବୋଲି ଆକଳନ କରାଯାଇଛି।
