ପାରଳାଖେମୁଣ୍ଡି,୧୪।୪(ଡି.ଏନ୍.ଏ.): ପାରଳାଖେମୁଣ୍ଡି ସହରରେ ଚୈତ୍ର ମାସ ଶେଷ ମଙ୍ଗଳବାର ପାରଳା ସହରରେ ପାରମ୍ପରିକ ପୂଜା ଗଜାମୁହାଁ ପର୍ବ ପାଳିତ ହୋଇଯାଇଛି। ପାରଳାର ଗଜାମୁହାଁ ପର୍ବ ରାଜ୍ୟର ବିଭିନ୍ନ ସ୍ଥାନରେ ବିଭିନ୍ନ ସରକାର ତଥା ବେସରକାରୀ ସାଂସ୍କୃତିକ ପର୍ବପର୍ବାଣୀ କାର୍ଯ୍ୟକ୍ରମ ଗୁଡିକରେ ସ୍ବତନ୍ତ୍ର ଉପସ୍ଥାପନା ରହିଛି। ଗ୍ରାମରେ ହଇଜାରୁ ରକ୍ଷା ପାଇବା ପାଇଁ ଅଞ୍ଚଳବାସୀ ଗ୍ରାମ ଦେବତୀଙ୍କୁ ଶିତଳ କରିବା ଲାଗି ମଣ୍ଡାପିଠା, କାକରା ପିଠା, ଖିରି, ଗୁଡ଼, ଲିଆରେ ନିର୍ମିତ ଗଜାମୁହଁା ବନେଇ ଗ୍ରାମଦେବତୀଙ୍କୁ ପୂଜା ଅର୍ଚ୍ଚନା କରି ଏହି ପର୍ବ ପାଳନ କରିଥିଲେ।
ଏହି କାର୍ଯ୍ୟକ୍ରମ ନିମନ୍ତେ ଅଞ୍ଚଳରେ ଲୋକମାନେ ମାନସିକ ରଖିଥାନ୍ତି ମାନସିକ ପୂରଣ ହେଲେ ଏହି ପୂଜା କରାଯାଉଥିବା ଦେଖିବାକୁ ମିଳିଛି। ଏହି କାର୍ଯ୍ୟକ୍ରମ ବିଗତ ଦୁଇ ବର୍ଷ ହେଲା ବନ୍ଦ କରାଯାଇଥିଲା। ଏବେ କୋରନା କଟକଣା କହୋଳ ହୋଇଥିବା ବେଳେ ପାରଳାଖେମୁଣ୍ଡି ସହରରେ କବିଚନ୍ଦ୍ର ସାହି, ଶ୍ରୀକରଣ ସାହି, କଟିକା ଗୈଡ ସାହି, ନଡ଼ିଆ ତୋଟା ସାହିଗୁଡ଼ିକରେ ଏହି କାର୍ଯ୍ୟକ୍ରମ ସମ୍ପାଦନା କରାଯାଇଛି।