ସୋରଡ଼ା,୧୫।୩(ଡି.ଏନ.ଏ): ଗଞ୍ଜାମ ଜିଲା ସୋରଡ଼ା ଅଞ୍ଚଳରେ ଡ୍ରାଇଭର ମହାସଂଘ ଡାକରାରେ ଗାଡି ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି । ଏଠାରୁ ଆସ୍କା, ଭଞ୍ଜନଗର, ଦାରିଙ୍ଗାବାଡି, ବଡ଼ଗଡକୁ ଯାତାୟାତ ଠପ୍ ହୋଇଯାଇଛି। ଜରଉ ଛକରେ ୨୦୦ରୁ ଉର୍ଦ୍ଧ୍ୱ ଡ୍ରାଇଭର ଶାନ୍ତି ପୂର୍ଣ୍ଣ ଭାବେ ରାସ୍ତା ପାର୍ଶ୍ୱରେ ଧାରଣାରେ ବସିଛନ୍ତି। ରାସ୍ତା ଘାଟ ଶୂନଶାନ ରହିଥିବା ବେଳେ ଗାଡିଚଳାଚଳ ବନ୍ଦ ଯୋଗୁ ସରକାରୀ ଅଫିସ, ଦୋକାନ ବଜ଼ାର ବ୍ୟବସାୟ ସମ୍ପୂର୍ଣ୍ଣ ଫିକା ପଡିଛି l ଅଞ୍ଚଳର ୧୦ରୁ ଉର୍ଦ୍ଧ୍ୱ ବ୍ୟାଙ୍କ୍ରେ କାରବାର ବାଧାପ୍ରାପ୍ତ ହୋଇଛି। ପୋଲିସ ତରଫରୁ ପାଟ୍ରୋଲିଂ ଚାଲିଛି । ବାଙ୍କବଜ଼ାର, ବଡଦାଣ୍ଡ, ଗଣିଛକ ସମେତ ବ୍ଳକ ଲାଇନ ସବୁ ଖାଁ ଖାଁ ହୋଇଯାଇଛି। ଗ୍ରାମାଞ୍ଚଳ ଜନତା ଆଜି ସହରକୁ କୌଣସି କାମରେ ଆସି ନ ଥିବା ଦେଖାଯାଇଛି। ଅଟୋ, ଯାତ୍ରୀବାହୀ ବସ୍, ମାଲବାହୀ ଗାଡି ସବୁ ବନ୍ଦ ରହିଥିବା ଦେଖିବାକୁ ମିଳିଛି।
