ଶାହରୁଖ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଯବାନ’ ଖୁବ ଶୀଘ୍ର ରିଲିଜ ହେବାକୁ ଯାଉଛି। ଏହି ଫିଲ୍ମକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ଫିଲ୍ମ ରିଲିଜ୍ର ଗୋଟିଏ ସପ୍ତାହ ପୂର୍ବରୁ ‘ଯବାନ’ର ଟ୍ରେଲର ରିଲିଜ ହୋଇଛି। ଶାହାରୁଖ ଦୁବାଇରୁ ଯବାନଙ୍କ ଟ୍ରେଲର ରିଲିଜ କରିଛନ୍ତି। ଟ୍ରେଲର ରିଲିଜ ହେବା ମାତ୍ରେ ହଇଚଇ ମଚେଇଛି ‘ଯବାନ’। ଟ୍ରେଲରରେ ଶାହରୁଖ ଖାନଙ୍କ ଲୁକ ଏବଂ ଫିଲ୍ମର ଷ୍ଟୋରୀକୁ ସସ୍ପେନ୍ସ ରହିଛି। ଏଥିରେ ଆକ୍ସନ, ଷ୍ଟାଇଲ, ଧମାକା ରହିଛି। ଶାହରୁଖଙ୍କୁ ଫିଲ୍ମରେ ୫ଟିି ଭିନ୍ନ ଲୁକରେ ଦେଖିବାକୁ ମିଳିବ। ତାଙ୍କର ସମସ୍ତ ପାଞ୍ଚଟି ଲୁକ ପ୍ରକାଶ ପାଇଛି। ଯାହା ପରେ ଫିଲ୍ମ ବିଷୟରେ ପ୍ରଶଂସକଙ୍କ ମଧ୍ୟରେ ଉତ୍ସାହ ଆହୁରି ବୃଦ୍ଧି ପାଇଛି।
‘ଯବାନ’ ଆଡଭାନ୍ସ ବୁକିଂ ଏପର୍ଯ୍ୟନ୍ତ ଭାରତରେ ଆରମ୍ଭ ହୋଇନାହିଁ କିନ୍ତୁ ବିଦେଶରେ ବୁକିଂ ଆରମ୍ଭ ହୋଇଛି। ବର୍ତ୍ତମାନ ପର୍ଯ୍ୟନ୍ତ ଫିଲ୍ମର ଲକ୍ଷ ଲକ୍ଷ ଟିକେଟ ବିକ୍ରି ହୋଇସାରିଛି। ଏହାକୁ ଦେଖି କୁହାଯାଇପାରେ ଯେ ଫିଲ୍ମଟି ଉଦଘାଟନୀ ଦିନରେ ବିପୁଳ ଅର୍ଥ ଉପାର୍ଜନ କରିବାକୁ ଯାଉଛି।
ଏହି ଫିଲ୍ମରେ ଶାହାରୁଖ ଖାନଙ୍କ ସହ ନୟନତାରା, ବିଜୟ ସେଥୁପତି, ସନୟା ମାଲହୋତ୍ରା ଅଛନ୍ତି। ଦୀପିକା ପାଦୁକୋନଙ୍କର ଏକ କ୍ୟାମୋ ଅଛି।
