ମହାକାଶରେ ଶୁଟିଂ ହୋଇଥିବା ବହୁପ୍ରତୀକ୍ଷିତ ଫିଲ୍ମ ‘ଦ ଚ୍ୟାଲେଞ୍ଜ’ ଟ୍ରେଲର ରିଲିଜ ହୋଇଛି। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି କ୍ଲିମ ଶିପେଙ୍କୋ। ଏହି ଫିଚର ଫିଲ୍ମର ପ୍ରଥମ କ୍ରମ ଅକ୍ଟୋବର ୨୦୨୧ରେ ସ୍ପେସ ଷ୍ଟେଶନରେ ପ୍ରାୟ ଦୁଇ ସପ୍ତାହ ପର୍ଯ୍ୟନ୍ତ ଶୁଟିଂ କରାଯାଇଥିଲା।
ଏହି ଫିଲ୍ମଟି ରୁଷିଆର ସ୍ପେସ ଏଜେନ୍ସି ରସ୍କୋସମୋସ ଏବଂ ଚ୍ୟାନେଲ ୱାନର ମିଳିତ ପ୍ରୋଜେକ୍ଟରେ ପ୍ରସ୍ତୁତ କରାଯାଇଛି। ଫିଲ୍ମଟି ୧୨ ଏପ୍ରିଲ ୨୦୨୩ରେ ମୁକ୍ତିଲାଭ କରିବାକୁ ଯାଉଛି।
ଫିଲ୍ମ ‘ଦ ଚ୍ୟାଲେଞ୍ଜ’ର ଶୁଟିଂ ପାଇଁ ଫିଲ୍ମର ପୁରା ଟିମ୍କୁ ତାଲିମ ଦିଆଯାଇଥିଲା। ଏହି ଫିଲ୍ମଟି ହେଉଛି ଜଣେ ମହିଳା ଡାକ୍ତରଙ୍କ କାହାଣୀ, ଯିଏ ଜଣେ ମହାକାଶଚାରୀଙ୍କୁ ବଞ୍ଚାଇବା ପାଇଁ ଅନ୍ତର୍ଜାତୀୟ ସ୍ପେସ ଷ୍ଟେଶନକୁ ଯାଇଛନ୍ତି।
