କେନ୍ଦୁଝର,୧୫।୮(ସ୍ବ.ପ୍ର.): ଓଡ଼ିଆ ଭାଷାଭାଷୀ ଝାଡ଼ଖଣ୍ଡ ରାଜ୍ୟ ପଶ୍ଚିମ ସିଂହଭୂମ ଜିଲାର ବିଭିନ୍ନ ଓଡ଼ିଆ ବିଦ୍ୟାଳୟରେ ୭୬ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ଜୟନ୍ତୀଗଡ଼ସ୍ଥିତ ଉତ୍କଳମଣି ଓଡ଼ିଆ ପ୍ରାଥମିକ (ମଧ୍ୟ) ବିଦ୍ୟାଳୟରେ ସମାଜସେବୀ ସୁବାସ ବେହେରା ପତାକା ଉତ୍ତୋଳନ କରି ଉଦ୍ବୋଧନ ଦେଇଥିଲେ। ପରେ ସେ ଶହୀଦ ଓ ସ୍ବାଧୀନତା ସଂଗ୍ରାମୀଙ୍କ ସ୍ମୃତିଚାରଣ କରିଥିଲେ। ବିଦ୍ୟାଳୟ ଶିକ୍ଷୟିତ୍ରୀ, ଶିକ୍ଷକ କବିତା ନାଏକ, ସରୋଜିନୀ ନାଏକ, ଉଦ୍ଧବ ନାଏକ, ପ୍ରଭାତୀ କାଳନ୍ଦୀ , ବାଣୀ ପ୍ରଧାନଙ୍କ ସମେତ ବହୁ ଛାତ୍ରୀଛାତ୍ର ଉପସ୍ଥିତ ରହିଥିଲେ।