ତେଲକୋଇ,୧୮ା୮(ରଞ୍ଜିତ ବିଶ୍ବାଳ): କେନ୍ଦୁଝର ଜିଲା ତେଲକୋଇ ଜାତୀୟ ରାଜପଥ ଜଗମୋହନପୁର ଛକରେ ଏକ ଟ୍ରକ୍ ଭାରସାମ୍ୟ ହରାଇ ଦୋକନ ଭିତରେ ପଶିଯାଇଛି। ଦୁର୍ଘଟଣାରେ ଜଣେ ଗୁରୁତର ହୋଇଥିବା ଜଣାପଡ଼ିଛି। ସୂଚନା ଅନୁଯାୟୀ ଗୁରୁବାର ବିଳମ୍ବିତ ରାତିରେ ଏକ ଖୋଲା ଆଇରନ ବୋଝେଇ ଟ୍ରକ୍ ସମ୍ବଲପୁର ପଟୁ କେନ୍ଦୁଝରକୁ ଯାଉଥିଲା। ଜାତୀୟ ରାଜପଥ ଜଗମୋହନପୁର ଛକରେ ଏନ୍ଏଚ୍ଆଇ ପକ୍ଷରୁ ହମ୍ପସରେ ଟ୍ରକ୍ଟି ବ୍ରେକ୍ ଦେଇଥିବା ବେଳେ ପଛରୁ ଆସୁଥିବା ଏକ ଟ୍ୟାଙ୍କର ଧକ୍କା ଦେଇଥିଲା। ଫଳରେ ଆଇରନ ଗାଡ଼ିଟି ଭାରସାମ୍ୟ ହରାଇ ଏକ ଦୋକାନ ଭିତରେ ପଶିଯାଇଥିଲା। ପଛପଟୁ ଧକ୍କା ଦେଇଥିବା ଟ୍ୟାଙ୍କର ଡ୍ରାଇଭର ଗୁରୁତର ହୋଇଥିବା ବେଳେ ତାଙ୍କୁ ତେଲକୋଇ ମେଡିକାଲରେ ଭର୍ତ୍ତି କରାଯାଇଛି। ଘଟଣା ସ୍ଥଳରେ ପୋଲିସ ପହଞ୍ଚତ୍ ତଦନ୍ତ ଆରମ୍ଭ କରିଛି।