ମାଧପୁର,୧୨।୩(ଡି.ଏନ୍.ଏ.): ଆଠମଲ୍ଲିକ ଥାନା ଅନ୍ତର୍ଗତ ଆଠମଲ୍ଲିକ କିଆକଟା ପୂର୍ତ୍ତ ରାସ୍ତାର ପୁରୁଣା ମାଣତ୍ରି ନାଳ ଉପରେ ଶନିବାରି ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇ ତଳକୁ ଖସିପଡିଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଆଜି ଭୋର ସମୟରେ ଟ୍ରକ୍ଟି ମାଧପୁର ଦିଗରୁ ଆଠମଲ୍ଲିକ ଅଭିମୁଖେ ଯାଉଥିଲା। ସେହି ସମୟରେ କୌଣସି କାରଣରୁ ଟ୍ରକ୍ଟି ଭାରସାମ୍ୟ ହରାଇ ନାଳ ଉପରେ ଥିବା ସୁରକ୍ଷା ବାଡ଼କୁ ଭାଙ୍ଗି ପାଖାପାଖି ୫୦ ଫୁଟ୍ ତଳକୁ ଖସି ପଡିଥିଲା। ଟ୍ରକ୍ରେ କେବଳ ଚାଳକ ଥିଲେ ଏବଂ ସେ ଆହତ ହୋଇଥିବା ଜଣାପଡିଛି । ତାଙ୍କୁ ନିକଟସ୍ଥ ଆଠମଲ୍ଲିକ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।