ପାଟଣା,୬ା୭(ବୀରକିଶୋର ଦାଶ): କେନ୍ଦୁଝର ପାଟଣା ବ୍ଲକ ତୁରୁମୁଙ୍ଗା ଦେଇ ଯାଇଥିବା ମୁମ୍ବାଇ କୋଲକାତା ୪୯ ନମ୍ବର ଜାତୀୟ ରାଜପଥର ଝାରବେଡ଼ା ନିକଟରେ ଗୁରୁବାର ଏକ ଟ୍ରକ୍ ଧକ୍କାରେ କାର୍ର ସମ୍ମୁଖ ଭାଗ ଚୂର୍ମାର ହୋଇଯାଇଛି।
ସୂଚନାଯୋଗ୍ୟ, ମୟୂରଭଞ୍ଜ ଜିଲା ସିଙ୍ଗିଡ଼ା ପାର୍ଶ୍ୱରୁ ଆସୁଥିବା ଏକ ଟ୍ରକ୍ ସହ ଏକ କାରର ସମ୍ମୁଖ ଭାଗ ଧକ୍କା ହୋଇଥିଲା। କାର୍ଟି ଝାରବେଡ଼ା ସର୍ଭିସ ରୋଡ୍ରୁ ଏନ୍ଏଚ୍କୁ ଉଠୁଥିବା ବେଳେ କାର୍କୁ ଟ୍ରକ୍ ଧକ୍କା ଦେଇ ଘୋଷାଡ଼ି ନେଇଛି। ଫଳରେ କାର୍ ଡ୍ରାଇଭର ଅନିଲ ସାହୁ ଅଳ୍ପକେ ବର୍ତ୍ତିଯାଇ ଥିଲେ ହେଁ ଆହତ ହୋଇଛନ୍ତି। ଉଭୟ ଗାଡ଼ିକୁ ତୁରୁମୁଙ୍ଗା ପୋଲିସ ଜବତ କରି ଥାନାକୁ ଆଣିଛି। ଘଟଣାସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ତଦନ୍ତ ଚଳାଇଛି।