କେନ୍ଦୁଝର,୧୩।୯(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ଅଧୀନ ୪୯ନଂ. ଜାତୀୟ ରାଜପଥର କାଞ୍ଜିପାଣି ଘାଟିରେ ମଙ୍ଗଳବାର ଅପରାହ୍ନରେ ଏକ ଆଇରନ ବୋଝେଇ ଟ୍ରକ୍ ନିଆଁଲାଗି ଜଳିଯାଇଛି। ଶୁଆକାଟି(ଗନ୍ଧମାର୍ଦ୍ଦନ)ଠାରୁ ଉକ୍ତ ୧୨ଚକିଆ ଟ୍ରକ୍ ଆଇରନ ବୋଝେଇ କରି ଝାରସୁଗୁଡା ଅଭିମୁଖେ ଯାଉଥିବା ବେଳେ କାଞ୍ଜିପାଣି ଘାଟିର ବାହାରାଦେବତାଠାରୁ ଅନତି ଦୂରରେ ହଠାତ୍ ଜଳି ଉଠିଥିଲା। ନିଆଁ ଲାଗିବା ଜାଣି ଡ୍ରାଇଭର ଗାଡ଼ିରୁ ଓହ୍ଲାଇ ପଡ଼ିଥିଲେ। ଖବର ପାଇ ଅଗ୍ନିଶମ କର୍ମଚାରୀ ପହଞ୍ଚତ୍ ନିଆଁ ଲିଭାଇ ଥିଲେ। ସର୍ଟ ସର୍କିଟ ଯୋଗୁ ଏହି ନିଆଁ ଲାଗିଥିବା କୁହାଯାଉଛି।