ଓ୍ବାଶିଂଟନ,୨୨।୮: ଆମେରିକା ଗର୍ଭବତୀ ମହିଳାମାନଙ୍କ ପାଇଁ ଏକ ଟିକାକୁ ଅନୁମୋଦନ କରିଛି। ଏହି ଟିକା ରେସ୍ପିରେଟୋରି ସିନ୍ସିଟିଆଲ ଭାଇରସ୍ (ଆରଏସଭି) ଦ୍ୱାରା ସୃଷ୍ଟି ହୋଇଥିବା ଶିଶୁମାନଙ୍କୁ ଗୁରୁତର ରୋଗରୁ ରକ୍ଷା କରିବ। ଏଭଳି ଟିକା ଅନୁମୋଦନ କରିବାରେ ଆମେରିକା ବିଶ୍ୱର ପ୍ରଥମ ଦେଶ ହୋଇପାରିଛି।
ଏହି ଟିକା ଫାଇଜର ଦ୍ୱାରା ପ୍ରସ୍ତୁତ କରାଯାଇଛି। ଡାକ୍ତରଙ୍କ କହିବାନୁସାରେ, ଗର୍ଭାବସ୍ଥାରେ ଶେଷଆଡକୁ ମହିଳାମାନଙ୍କୁ ଏହି ଟିକା ଦିଆଯିବ। ରିପୋର୍ଟ ଅନୁଯାୟୀ, ୭୦୦୦ ରୁ ଅଧିକ ଗର୍ଭବତୀ ମହିଳା ଏବଂ ସେମାନଙ୍କ ଶିଶୁଙ୍କ ଉପରେ ଏହି ଟିକା ପରୀକ୍ଷା କରାଯାଇଛି।