ଚମ୍ପୁଆ,୨୭।୨ (ଡି.ଏନ.ଏ.): କେନ୍ଦୁଝର ଜିଲାର ଚମ୍ପୁଆ ଏନ୍ଏସି ଏକ ଉପାନ୍ତ ଅଞ୍ଚଳ ହୋଇଥିବା ବେଳେ ଏଠାରେ ଦିନକୁଦିନ ସରକାରଙ୍କ ପକ୍ଷରୁ ନିଷେଧ କରାଯାଇଥିବା ପଲିଥିନର ବ୍ୟବହାର ବୃଦ୍ଧି ପାଇବାରେ ଲାଗିଛି। ଏପରିକି ଏହି ପଲିଥିନ କାରବାର କରୁଥିବା ବ୍ୟବସାୟୀମାନେ ଖୋଲାଖୋଲି ଭାବେ ଏହାର ବ୍ୟବହାର କରୁଥିଲେ ମଧ୍ୟ ଏଥିପ୍ରତି କୌଣସି ପଦକ୍ଷେପ ନିଆଯାଉ ନାହିଁ। ପଲିଥିନର ବ୍ୟବହାର ରୋଗର ବାହକ ହୋଥିବା ବେଳେ ଚା’ ଦୋକାନଠୁ ଆରମ୍ଭ କରି ହୋଟେଲ ପର୍ଯ୍ୟନ୍ତ ସବୁଠି ଏହାର ବ୍ୟବହାର କରାଯାଉଛି। ଏନଏସି ଗଠନ ହେବାର ୬ ବର୍ଷ ଭିତରେ ପ୍ରାୟ ୧୦ ଥର ହେବ ଚମ୍ପୁଆ ବଜାର ଉପରେ ଚଢାଉ କରାଯାଇ ଥର୍ମକଲ ଓ ପଲିଥିନ ବ୍ୟାଗ ଜବତ କରିବା ସହ ଫାଇନ ଆଦାୟ କରାଯାଇଥିଲା। ମାତ୍ର ଯଥା ପରଂ ତଥା ପୂର୍ବ ସ୍ଥିତିରେ ଦୋକାନ ଚମ୍ପୁଆ ବଜାର ଉପରେ ଏହାର ବ୍ୟବହାର ବଢିଚାଲିଛି। ଉତ୍ତାପ ସଂସ୍ପର୍ଶରେ ଆସିବା ପରେ ଏଥିରୁ ସ୍ବାସ୍ଥ୍ୟ ହାନୀକାରକ ପଦାର୍ଥ ବାହାରୁ ଥିଲେ ମଧ୍ୟ ବାରମଜା ଦୋକନଠାରୁ ଆରମ୍ଭ କରି ଜଳଖିଆ ଦୋକାନ ଏପରିକି ହୋଟେଲ ଗୁଡିକରେ ମଧ୍ୟ ଖାଦ୍ୟ ପାର୍ସଲ ଏହି ପଲିଥିନ ମାଧ୍ୟମରେ କରାଯାଉଛି। ତୁରନ୍ତ ପଲିଥିନ ବ୍ୟବହାରକୁ ବନ୍ଦ କରିବାକୁ ବୁଦ୍ଧିଜୀବୀମାନେ ଦାବି କରିଛନ୍ତି।
