ମୁନିଗୁଡ଼ା,୬ା୯(ଡି.ଏନ୍.ଏ.): ଉପଭୋକ୍ତାଙ୍କୁ ୨୪ ଘଣ୍ଟା ବିଦ୍ୟୁତ୍ ଯୋଗାଇ ଦେବା ପାଇଁ ସରକାର ପାଣି ଭଳି ଟଙ୍କା ଖର୍ଚ୍ଚ କରୁଛନ୍ତି, କିନ୍ତୁ ଏବେବି ଏହାର ଲାଭ ଭଠାଇ ପାରୁ ନାହାନ୍ତି ଉପଭୋକ୍ତା।ରାୟଗଡ଼ା ଜିଲା ହାଟମୁନିଗୁଡା ଛକଠାରେ ତିଆରି ହୋଇଛି ସବ୍ଷ୍ଟେଶନ ହେଲା, ଏଯାଏ ଏହା ଗ୍ରାହକଙ୍କ ପାଇଁ କାର୍ଯ୍ୟକାରୀ ହୋଇ ପାରୁନାହିଁ। ତେଣୁ ଲୋକେ ବିଦ୍ୟୁତ୍ ସମସ୍ୟାର ସମ୍ମୁଖୀନ ହେଉଛନ୍ତି।
ଓଡ଼ିଶା ବିଦ୍ୟୁତ୍ ଶକ୍ତି ସଂଚାରଣ ନିଗମ ଲିମିଟେଡ୍ ପକ୍ଷରୁ ରାୟଗଡ଼ା ଜିଲା ହାଟମୁନିଗୁଡ଼ାଠାରେ ତିଆରି ହୋଇଛି ୧୩୨/୩୩ କେଭି ଗ୍ରୀଡ୍ ସବ୍ଷ୍ଟେଶନ। ଏହା ତିଆରି ପାଇଁ ଖର୍ଚ୍ଚ ହୋଇଛି ୧୯ କୋଟି । କାମ ସରିବାର ପ୍ରାୟ ୧ ବର୍ଷ ହୋଇ ଗଲାଣି କିନ୍ତୁ ଏହି ଗ୍ରୀଡ୍ଠାରୁ ସାଉଥ୍କୋ ବିଜୁଳି ନେଇ ରେଳବାଇକୁ ସେବା ଯୋଗାଉଛି କିନ୍ତୁ ଏ ଯାଏ ଘରୋଇ ଗ୍ରାହକଙ୍କୁ ଏହି ସବ୍ଷ୍ଟେଶନ ବିଦ୍ୟୁତ୍ ଯୋଗାଇ ପାରୁନାହିଁ। ଥେରୁବାଲିସ୍ଥିତ ସବ୍ଷ୍ଟେଶନରୁ ବିଷମକଟକ, ମୁନିଗୁଡ଼ା ଓ ଚନ୍ଦ୍ରପୁର ବ୍ଲକକୁ ବିଦ୍ୟୁତ୍ ସେବା ଯୋଗାଉଛି। ସାଉଥ୍କୋ ହେଲେ, ଏହି ଲାଇନ୍ ଭାତପୁର ଜଙ୍ଗଲ ଦେଇ ଆସିଥିବାରୁ ପ୍ରାୟ ଅଧିକାଂଶ ସମୟରେ ଗଛ ପଡ଼ି ବିଦ୍ୟୁତ୍ ସେବା ବ୍ୟାହତ ଘଟୁଛି। ଯାହା ଫଳରେ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି।ଏହି ସବ୍ଷ୍ଟେଶନ କାର୍ଯ୍ୟକାରୀ ହେଲେ ୩ ବ୍ଲକର ପ୍ରାୟ ୫୦ ହଜାର ଉପଭୋକ୍ତା ବିଦ୍ୟୁତ୍ ସେବା ପାଇ ପାରିବେ ବୋଲି ଗ୍ରାହକ
କୃଷ୍ଣଚନ୍ଦ୍ର ମଲିକ, ବନଜା ବେହେରା, ଗଣେଶ ପ୍ରସାଦ ପାତ୍ର, ଭଗବାନ ବେହେରା, ଶ୍ରୀକାନ୍ତ ସାହୁ ପ୍ରମୁଖ ପ୍ରକାଶ କରିଛନ୍ତି ।