ରାଞ୍ଚତ୍, ୨୦।୨: ଝାଡ଼ଖଣ୍ଡର ରାଜଧାନୀ ରାଞ୍ଚତ୍ରୁ ଏକ ସମ୍ବେଦନଶୀଲ ଘଟଣା ସାମ୍ନାକୁ ଆସିଛି। ସ୍ଥାନୀୟ ନାମକୁମ୍ ଅଞ୍ଚଳର ଜଣେ ୧୪ ବର୍ଷୀୟା ନାବାଳିକଙ୍କୁ ଗଣବଳାତ୍କାର ପରେ ଭିଡିଓ ଭାଇରାଲ ହୋଇଛି। ଏହି ମାମଲାରେ ପୋଲିସ ୨ ଜଣଙ୍କୁ ଗିରଫ କରିଛି। ଉଭୟ ନାବାଳିକାଙ୍କୁ ବଳାତ୍କାର କରିବା ପରେ ଭିଡିଓକୁ ସୋସିଆଲ ମିଡିଆରେ ଭାଇରାଲ କରାଇଥିଲେ। ଘଟଣାଟି ଚଳିତ ମାସ ପ୍ରାରମ୍ଭରେ ଘଟିଥିଲା। ପୀଡ଼ିତାଙ୍କ ମା’ କାମ କରିବାକୁ ବାହାରକୁ ଯାଇଥିଲେ। ଏହି ସମୟରେ ନାବାଳିକା ଜଣଙ୍କ ଘରେ ଏକୁଟିଆ ଥିଲେ। ଏହାର ସୁଯୋଗ ନେଇ ଉଭୟ ଯୁବକ ଘରେ ପ୍ରବେଶ କରି ନାବାଳିକାଙ୍କୁ ବଳାତ୍କାର କରି ତାଙ୍କର ଭିଡିଓ ଶୁଟିଂ କରିଥିଲେ। ପରେ ଏହାକୁ ସୋସିଆଲ ମିଡିଆରେ ଅପ୍ଲୋଡ କରିଥିଲେ। ପୋଲିସ ଏହି ଘଟଣାର ଖୋଳତାଡ଼ କରି ଅଭିଯୁକ୍ତ ଦ୍ୱୟଙ୍କୁ ଗିରଫ କରିବାରେ ସଫଳ ହୋଇଥିଲା। ଯେଉଁ ମୋବାଇଲରେ ବଳାତ୍କାର ଦୃଶ୍ୟ ଶୁଟିଂ ହୋଇଥିଲା ପୋଲିସ ସେହି ମୋବାଇଲକୁ ଜବତ କରିଛି।