କେନ୍ଦୁଝର, ୧୨।୭(ସ୍ବ.ପ୍ର.) କେନ୍ଦୁଝର ଜିଲା ଘଟଗାଁ ବ୍ଲକ ଏନ୍ଏଚ୍ ୨୦ କଡ଼ରେ ଥିବା ବଡପଶି ଗ୍ରାମରେ ଶହ ଶହ ବଗ, ଗେଣ୍ତlଳିଆ ଆଦି ଚଢ଼େଇ ଦୁଇଟି ଗଛରେ ବସବାସ କରୁଛନ୍ତି। ମୌସୁମୀ ଆସିଲେ ସେମାନେ ଆସିଥାନ୍ତି। ଗଛରେ ବସା ବାନ୍ଧି ରୁହନ୍ତି। ଅଣ୍ଡା ଦେଇଥନ୍ତି। ଅଣ୍ଡାରୁ ଛୁଆ ଫୁଟିବା ପରେ ଫେରି ଯାଆନ୍ତି ବୋଲି ସ୍ଥାନୀୟ ଲୋକେ କହିଛନ୍ତି। ଗାଁ ଲୋକେ ସେମାନଙ୍କର କୌଣସି କ୍ଷତି କରୁନାହାନ୍ତି। ଏଣୁ ପ୍ରତ୍ୟେକ ବର୍ଷ ଆସିଥାନ୍ତି ବୋଲି ଗ୍ରାମବାସୀ ଶିବାନନ୍ଦ ନାଏକ କହିଛନ୍ତି। ତେନ୍ତୁଳି ଓ ବେଲ ଗଛରେ କାଠି, ପତ୍ର, ଘାସ, କୁଟା ଆଦି ସଂଗ୍ରହ କରି ସେମାନେ ଗଛରେ ବସା ବାନ୍ଧିଥାନ୍ତି। ଦୂରରୁ ମେଘ ମାଳ ତଳେ ଗଛରେ ଧଳା ଫୁଲ ଫୁଟିବା ଭଳି ଦୃଶ୍ୟମାନ ହୋଇଥାଏ। ସତେ ଯେପରି ମୌସୁମୀ ବର୍ଷାକୁ ଅପେକ୍ଷା କରିଛନ୍ତି। ଯଦିଓ ଏହି ପକ୍ଷୀ ମାଂସ ପାଇଁ ଅନେକ ଅଞ୍ଚଳରେ ଶିକାର ହୋଇଥାଏ। ତେବେ ଗ୍ରାମବାସୀ ମାନେ ଏସବୁର ସୁରକ୍ଷା କରୁଥିବାରୁ ପରିବେଶବିତ୍ ତଥା ପକ୍ଷୀ ପ୍ରେମୀ ପ୍ରଶଂସା କରିଛନ୍ତି। ପରିବେଶବିତ ଡ. ବିମ୍ବାଧର ବେହେରା କହିଛନ୍ତି, ଏବେ ମଧ୍ୟ ଜଙ୍ଗଲର ସୁରକ୍ଷା ସହ ସେମାନଙ୍କ ପାଇଁ ଅନୁକୂଳ ହୋଇପାରିଲେ ଧୀରେ ଧୀରେ ଲୋପ ପାଇଯାଉଥିବା ବହୁ ପ୍ରକାର ପକ୍ଷୀଙ୍କ ସୁରକ୍ଷା ହୋଇପାରିବ।