ଷ୍ଟକହୋମ,୮।୩: ସ୍ବିଡେନ ନାଟୋର ୩୨ତମ ସଦସ୍ୟ ଦେଶ ହୋଇଛି। ଏହା ସହିତ ପ୍ରାୟ ଦୁଇ ଦଶନ୍ଧି ଧରି ସ୍ବିଡେନ, ନାଟୋ ଗ୍ରୁପରେ ଯୋଗ ଦେଇଛି। ସ୍ବିଡେନର ପ୍ରଧାନମନ୍ତ୍ରୀ ଉଲଫ କ୍ରିଷ୍ଟରସନ ଦେଶର ନାଟୋରେ ଯୋଗଦେବାକୁ ସ୍ବାଧୀନତାର ବିଜୟ ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି, ସ୍ବିଡେନ ଗଣତାନ୍ତ୍ରିକ, ନିରପେକ୍ଷ, ସାର୍ବଭୌମତ୍ୱ ଏବଂ ସର୍ବସମ୍ମତି କ୍ରମେ ନାଟୋରେ ଯୋଗଦେବାକୁ ନିଷ୍ପତ୍ତି ନେଇଛି। ଏକ କାର୍ଯ୍ୟକ୍ରମ ସମୟରେ ସ୍ବିଡେନ ପ୍ରଧାନମନ୍ତ୍ରୀ ଏହା କହିଛନ୍ତି ଏବଂ ଏହି ସମୟରେ ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ ମଧ୍ୟ ଉପସ୍ଥିତ ଥିଲେ।
ସ୍ବିଡେର ନାଟୋରେ ଯୋଗଦେବା ପରେ ନାଟୋର ସେକ୍ରେଟେରୀ ଜେନେରାଲ ଜେନ୍ସ ଷ୍ଟୋଲଟେନବର୍ଗ ଏକ ବିବୃତ୍ତି ଜାରି କରି କହିଛନ୍ତି, ଏହା ଏକ ଐତିହାସିକ ଦିନ। ନାଟୋରେ ସ୍ବିଡେନ ର ବର୍ତ୍ତମାନ ଏକ ଉପଯୁକ୍ତ ସ୍ଥାନ ରହିବ ଏବଂ ନାଟୋ ନୀତି ଏବଂ ନିଷ୍ପତ୍ତିରେ ଏହାର ମତକୁ ମଧ୍ୟ ବିଚାରକୁ ନିଆଯିବ। ସେ କହିଛନ୍ତି,୨୦୦ ବର୍ଷରୁ ଅଧିକ ସମୟ ଆଲାଇନ ହୋଇ ରହିବା ପରେ ସ୍ବିଡେନ ମଧ୍ୟ ଧାରା ୫ ଅନୁଯାୟୀ ସୁରକ୍ଷା ଗ୍ୟାରେଣ୍ଟି ପାଇବ। ସ୍ବିଡେନ ସରକାରଙ୍କ ଏକ ସ୍ବତନ୍ତ୍ର ବୈଠକ ଅନୁଷ୍ଠିତ ହୋଇଥିଲା ଏବଂ ଏହି ବୈଠକ ପରେ ସ୍ବିଡେନର ନାଟୋରେ ଯୋଗଦେବା ଘୋଷଣା କରାଯାଇଥିଲା। ସ୍ବିଡେନ ନାଟୋର ସଦସ୍ୟ ହେବା ପରେ ଏହାର ପତାକା ମଧ୍ୟ ବ୍ରୁସେଲ୍ସର ନାଟୋ ମୁଖ୍ୟାଳୟ ବାହାରେ ଦେଖାଯିବା ଆରମ୍ଭ କରିବ।
ୟୁକ୍ରେନ ଯୁଦ୍ଧ ଆରମ୍ଭରୁ ରୁଷିଆର ପଡୋଶୀ ଦେଶ ସ୍ବିଡେନ ଏବଂ ଫିନଲାଣ୍ଡ ନାଟୋର ସଦସ୍ୟ ହେବାକୁ ଚେଷ୍ଟା କରୁଥିଲେ। ଗତ ବର୍ଷ ଫିନଲ୍ୟାଣ୍ଡ ନାଟୋର ସଦସ୍ୟ ହୋଇଥିଲା ଏବଂ ବର୍ତ୍ତମାନ ସ୍ବିଡେନ ମଧ୍ୟ ନାଟୋରେ ପ୍ରବେଶ କରିଛି।