ବାରିପଦା ଅଫିସ,୨୮ା୮- ଲଘୁଚାପ ଜନିତ ବର୍ଷାରେ ମୟୂରଭଞ୍ଜ ଜିଲା ଦେଇ ପ୍ରବାହିତ ବୁଢାବଳଙ୍ଗ, ଜମ୍ଭୀରା ଓ ଗଙ୍ଗାହାର ନଦୀରେ ବୃଦ୍ଧି ପାଇଥିବା ବନ୍ୟାଜଳ ଗୁରୁବାର ଅପରାହ୍ନ ସୁଦ୍ଧା କମିବାରେ ଲାଗିଛି ା ଜିଲାର ବଡ଼ସାହି, ଗୋପବନ୍ଧୁନଗର, ରାସଗୋବିନ୍ଦପୁର ଆଦି ବ୍ଲକ ଅଞ୍ଚଳରେ ଯୋଗାଯୋଗ ବିଚ୍ଛିନ୍ନ ହୋଇଥିବା ସ୍ଥାନଗୁଡ଼ିକ ସ୍ବାଭାବିକ ପରିସ୍ଥିତିକୁ ଆସିଛି ା ବାରିପଦା ସହର ମଧ୍ୟ ଦେଇ ପ୍ରବାହିତ ଜରାଳୀ ଓ ସରାଳୀ ନଦୀର ଜଳପତ୍ତନ ହ୍ରାସ ପାଇଥିବା ବେଳେ ପ୍ରଶାସନିକ ଅଧିକାରୀମାନେ ବନ୍ୟାଞ୍ଚଳ ପରିଦର୍ଶନ କରି ବ୍ୟାପକ ବ୍ୟବସ୍ଥା ଗ୍ରହଣ କରିଛନ୍ତି। ବିଜେଡି ଜିଲା ପର୍ଯ୍ୟବେକ୍ଷକ ପ୍ରଣବ ପ୍ରକାଶ ଦାସ କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ ସହ ବନ୍ୟା ପରିସ୍ଥିତି ସମ୍ପର୍କରେ ଆଲୋଚନା କରିଛନ୍ତି। ବିପନ୍ନ ପରିବାରକୁ ଦଳ ପକ୍ଷରୁ ଶୁଖିଲା ଖାଦ୍ୟ, ରୋଷେଇ ସାମଗ୍ରୀ ଆଦି ପ୍ରଦାନ କରାଯାଇଛି। ମୋରଡ଼ା ବିଧାୟକ ରାଜକିଶୋର ଦାସ, ପୂର୍ବତନ ଉପବାଚସ୍ପତି ସାନନ୍ଦ ମାରାଣ୍ଡି, ଦେବାଶିଷ ମହାନ୍ତି, ସୁବ୍ରମଣ୍ୟମ ମହାନ୍ତି, ସରୋଜ ଦାସଙ୍କ ସମେତ ବହୁ କର୍ମକର୍ତ୍ତା ତାଙ୍କ ସହ ଉପସ୍ଥିତ ଥିଲେ।
ସେହିପରି ରାସଗୋବିନ୍ଦପୁର ବ୍ଲକ ଅଞ୍ଚଳରେ ଜଳବନ୍ଦୀରେ ରହୁଥିବା ପିଙ୍ଗୁଳି, ପଦ୍ମତଳିଆ, ଦୁଲିପୁରା ଆଦି ସ୍ଥାନକୁ ଅତିରିକ୍ତ ଜିଲାପାଳ ବିବେକାନନ୍ଦ ସାହୁ, ବିଡିଓ, ରାଜସ୍ବ ନିରୀକ୍ଷକ, ସିଡିପିଓ ପ୍ରମୁଖ ବୋଟ ଯୋଗେ ଯାଇ ସେଠାରେ ରିଲିଫ ସାମଗ୍ରୀ ପ୍ରଦାନ କରିଛନ୍ତି ା ବଡସାହି ବ୍ଲକ ଅଞ୍ଚଳରେ ପାଣି କମୁଥିବା ବେଳେ ଲୋକମାନଙ୍କ ଦୁର୍ଦ୍ଦଶା ବଢିଛି ା ହଜାର ହଜାର ହେକ୍ଟର ଜମି ଜଳମଗ୍ନ ହୋଇଥିବାରୁ ବ୍ୟାପକ ଧାନ ଓ ପରିବା ଚାଷ ନଷ୍ଟ ହୋଇଛି ା ପାଣିଘେରରେ ଥିବା କଚ୍ଚା ଘରଗୁଡ଼ିକ ଭାଙ୍ଗିଥିବା ବେଳେ ବହୁ ରାସ୍ତା ଧୋଇ ହୋଇଯାଇଛି ା ବିଶେଷ ଭାବେ ଗୃହପାଳିତ ପଶୁଗଡ଼ିକ ବେଶ ପ୍ରଭାବିତ ହୋଇଥିବା ବେଳେ ପ୍ରାଶସନିକ ଅଧିକାରୀମାନେ ପରିସ୍ଥିତିର ମୁକାବିଲା କରିବା ପାଇଁ ପ୍ରୟାସ ଚଳାଇଛନ୍ତି।
ଦୁଇ ନଦୀର ଉଭୟ ପାର୍ଶ୍ୱର ତଳିଆ ଅଞ୍ଚଳରେ ଥିବା ୪୦ରୁ ଊର୍ଦ୍ଧ୍ୱ ଗ୍ରାମରେ ବୁଧବାର ବନ୍ୟାଜଳ ପ୍ରବେଶ କରିଥିଲା ା ରାତି ତମାମ ପାଣି ବଢୁଥିବା ବେଳେ ଗୁରୁବାର ବଡ଼ିଭୋରରୁ କମିବା ଆରମ୍ଭ ହୋଇଥିଲା ା ଫଳରେ ଅଧିକାଂଶ ଗ୍ରାମରେ ଚଳପ୍ରଚଳ ସ୍ବାଭାବିକ ହେଉଥିବା ବେଳେ ଲୋକମାନଙ୍କୁ ଶୁଖିଲା ଖାଦ୍ୟ ପ୍ରଦାନ କରାଯାଇଛି ା ବଡ଼ସାହି ବିଧାୟକ ସନାତନ ବିଜୁଳୀ ଓ କେନ୍ଦ୍ରମନ୍ତ୍ରୀଙ୍କ ପ୍ରତିନିଧି ପ୍ରଦୀପ କୁମାର ପରିଡ଼ା ବୋଟ୍ ଯୋଗେ ଶାଳଗାଁ, ସୋରିଷକୋଠା, ପାଳପାଟଣା, ଗମ୍ଭାରିଆ, ଡୁମୁରିଆ, ଆଗ୍ରିଆ ଓ ନରଣଗାଁରେ ଜଳବନ୍ଦୀରେ ଥିବା ଲୋକମାନଙ୍କ ନିକଟରେ ପହଞ୍ଚି ଶୁଖିଲା ଖାଦ୍ୟ ପ୍ରଦାନ କରିଛନ୍ତି। ଅନ୍ୟମାନଙ୍କ ମଧ୍ୟରେ ଭବାନୀ ଶଙ୍କର ସାହୁ, ରାଜକିଶୋର ଶାହା, ଶଶି ଶେଖର ପଣ୍ଡା, ଦୀପକ ବାରିକ ପ୍ରମୁଖ ଉପସ୍ଥିତ ଥିଲେ ା