ଛତ୍ରପୁର,୧୨ା୬(ଡି.ଏନ୍.ଏ.): ଗଞ୍ଜାମ ଜିଲାରେ କରୋନା ସଂକ୍ରମଣ ଦିନକୁ ଦିନ କମ୍ ହେବାରେ ଲାଗିଛି। ଏବେ ଗଞ୍ଜାମ ଗ୍ରୀନ୍ ଜୋନ୍ରେ ରହିଛି। ଜିଲାରେ ଏବେ ୫୦୦ ତଳେ କରୋନା ଆକ୍ଟିଭ୍ କେସ ରହିଛି। ଫଳରେ ଗଞ୍ଜାମ ଅନ୍ଲକ୍ ହେବାର ସମ୍ଭାବନା ଦେଖାଦେଇଛି। ୫% କେସ୍ ରହିଲେ ଅନ୍ଲକ୍ ହୋଇପାରିବାର ନିୟମ ରହିଛି। ବର୍ତ୍ତମାନ ଜିଲାରେ ୪୯୨ ଆକ୍ଟିଭ କେସ ଅଛିି। ସନ୍ଧ୍ୟାରେ ସୁସ୍ଥଙ୍କ ସମ୍ପର୍କରେ ରିପୋର୍ଟ ଆସିଲେ କରୋନା ଆକ୍ଟିଭ ସଂଖ୍ୟା ଆହୁରି କମିବ ବୋଲି ଜଣାପଡିଛି। ଜିଲାରେ ଦୈନିକ ୧୦୦ରୁ ଊର୍ଦ୍ଧ୍ୱ କରୋନାରୁ ସୁସ୍ଥ ହେଉଛନ୍ତି। ଶନିବାର ଜିଲାରେ ଆଉ ୪୦ ଜଣ ସଂକ୍ରମିତ ହୋଇଛନ୍ତି। ତେବେ ଦୈନିକ ଜିଲାରେ କରୋନା ସଂକ୍ରମିତଙ୍କ ସଂଖ୍ୟା ୧୦୦ ତଳେ ରହୁଛି।