ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମାଙ୍କ ବିବାହକୁ ୩ ବର୍ଷ ପୂରିଛି। ଏହି ଅବସରରେ ଉଭୟଙ୍କୁ ଚାରିଆଡ୍ୁ ଶୁଭେଚ୍ଛା ବାର୍ତ୍ତା ମିଳିଛି। ବିରାଟ ଏବେ ଅଷ୍ଟ୍ରେଲିଆରେ ଥିବାବେଳେ ଅନୁଷ୍କା ଭାରତରେ ଅଛନ୍ତି। ଖୁବ୍ଶୀଘ୍ର ଉଭୟଙ୍କ ଖୁସିଖବର ମିଳିବ। କାରଣ ଆଗାମୀ ମାସ ଜାନୁୟାରୀରେ ପ୍ରଥମଥର ପାଇଁ ଉଭୟ ମାତାପିତା ହେବାକୁ ଯାଉଛନ୍ତି। କିନ୍ତୁ ଜାଣିଛନ୍ତି କି କୋହଲି ନିଜ ବିବାହ ମୁଦିକୁ ହାତରେ ନୁହେଁ ବେକରେ ପିନ୍ଧିଥାନ୍ତି। ଖରେ ଅଭ୍ୟାସ ସମୟରେ ବିରାଟ ତାଙ୍କ ଟି-ସାର୍ଟ ବଦଳାଇଥିଲେ ସେତେବେଳେ ଦେଖିବାକୁ ମିଳିଥିଲା ଯେ ବିବାହର ମୁଦିକୁ ସେ ତାଙ୍କ ବେକରେ ପିନ୍ଧିଛନ୍ତି। ଅନୁଷ୍କା ଶର୍ମାଙ୍କୁ ବିରାଟ ୨୦୧୭, ଡିସେମ୍ବର ୧୧ରେ ଇଟାଲୀରେ ବିବାହ କରିଥିଲେ ବିରାଟ। କୋହଲିଙ୍କ ବିବାହ ୨୦୧୭ର ସବୁଠୁ ଚର୍ଚ୍ଚିତ ଖବର ଥିଲା। ବିବାହ ପରେ ବିରାଟଙ୍କ ଏନଗେଜ୍ମେଣ୍ଟ ମୁଦିକୁ ନେଇ ଚର୍ଚ୍ଚା ଦେଖାଦେଇଥିଲା। ମ୍ୟାଚ ଖେଳିବା ବେଳେ ଆଙ୍ଗୁଳିରେ ମୁଦି ଥିଲେ ବ୍ୟାଟିଂ କଲାବେଳେ ବଲ ବାଜି ଏହା ଭାଙ୍ଗିଯିବାର ଡର ଥିବାରୁ ବିରାଟ ଏହାକୁ ନିଜ ବେକରେ ଏକ ଚେନ ମାଧ୍ୟମରେ ପିନ୍ଧୁଛନ୍ତି। ବିରାଟ ଯେତେବେଳେ ମ୍ୟାଚ ଖେଳିଥାନ୍ତି କିମ୍ବା ଅଭ୍ୟାସ ପାଇଁ ପଡିଆକୁ ଯାଇଥାନ୍ତି ସେତେବେଳେ ସେ ଏହି ମୁଦିକୁ ନିଜ ବେକରେ ଚେନ ଦ୍ୱାର ପିନ୍ଧିଥାନ୍ତି ଏବଂ ଅନ୍ୟ ସମୟରେ ବିରଟା ନିଜ ମୁଦିକୁ ଆଙ୍ଗୁଳିରେ ପିନ୍ଧିଥାନ୍ତି ବୋଲି ଜଣାପଡିଛି।
